राष्ट्रियसभा उपाध्यक्षको उपनिर्वाचन माघ २३ गते सोमबार हुने भएको छ। 

राष्ट्रिय सभाको आज (शुक्रबार)को बैठकमा अध्यक्ष गणेशप्रसाद तिमिल्सिनाले मिति तय भएको जानकारी दिएका हुन्। 

२३ गते सोमबार बिहान ११ बजेर ५९ मिनेटमा निर्वाचन हुने उनले तोकेका हुन् ।

१ वर्षदेखि रिक्त रहेको यस पदमा निर्वाचनसम्बन्धी कार्यक्रम सार्वजनिक गर्न अध्यक्ष तिमिल्सिनाले संघीय संसद्का‌ महासचिव भरतराज गौतमलाई निर्देशन दिएका छन् ।

राष्ट्रिय सभाकी तत्कालीन उपाध्यक्ष शशीकला दहालको कार्यकाल २०७८ फागुन २० गते सकिएको थियो ।