२८ जेठ २०८३, बिहीबार
झापा प्रहरी कार्यालयले करिब एक लाख रुपियाँ वराबरको अवैध सामानसहित एक जनालाई नियन्त्रणमा लिएको छ । आन्तरिक राजस्व कार्यालय र जिल्ला प्रहरी कार्यालयको संयुक्त अनुगमन टोलीले १०७ किलोग्राम बाबाखैनीसहित गंगाराम पुरीलाई शनिबार पक्राउ गरेको हो ।
झापा प्रहरी कार्यालयका प्रवक्ता वसन्त पाठकका अनुसार आन्तरिक राजश्व कार्यालय झापा र जिल्ला प्रहरी कार्यालय झापाको संयुक्त टोलीले अनुगमन गर्नेक्रममा भद्रपुर नगरपालिका ३ ज्ञानेचोक स्थित बर्ष ४७ को पुरीले सञ्चालन गरेको पुरी किराना पसलबाट सो सामान बरामद गरेको छ ।
पाठकका अनुसार बाबा खैनि १०७ किलोग्राम, मडुवा खैनि ५८ किलोग्राम र बिडी ९ पोका गरी अन्दाजी एक लाख मुल्य बराबरको सामानसहित पुरीलाई नियन्त्रणमा लिइएको छ । जिल्ला प्रहरी कार्यालय झापामा ल्याई उनीमाथि आवश्यक अनुसन्धान भइरहेको प्रहरीले जनाएको छ ।
