×

NIC ASIA

नक्कली रक्सीको जालो : धरौटीमा छुटेर फेरि धन्दा, दोहोरी र डान्सबारमा सप्लाइ !

माघ १५, २०७९

Prabhu Bank
NTC
Premier Steels

नक्कली मदिरा बनाएको आरोपमा पक्राउ परेर धरौटीमा छुटेकाहरूको कनेक्सन अहिले फेरि त्यस्तै आरोपमा पक्राउ परेकाहरूसँग रहेको पाइएको छ ।

Muktinath Bank

आज (आइतवार) काठमाडौं उपत्यका अपराध अनुसन्धान कार्यालयले ठूलो मात्रामा नक्कली रक्सीसहित ३ जनालाई पक्राउ गरी सार्वजनिक गरेको छ । 


Advertisment
RMC TANSEN
IME BANK INNEWS
shivam ISLAND

उनीहरूको कनेक्सन ५ महिनाअगाडि काठमाडौं प्रहरी परिसरले पक्राउ गरेका ५ जनामध्ये ३ जनासँग देखिएको छ । 


Advertisment
Nabil box
Kumari

परिसरले भदौ ७ गते काठमाडौं महानरपालिका– ३२ कोटेश्वरमा विभिन्न ब्रान्डको नक्कली रक्सीसहित दोलखाको कालिञ्चोक गाउँपालिका– ९ का २४ वर्षीय हरि वली, भीमेश्वर नगरपालिका– ८ का ३९ वर्षीय भगवान बस्नेत र रामेछापको खाँडादेवी गाउँपालिका– २ का २७ वर्षीय मनोज खत्रीसहित अन्य २ जनालाई पक्राउ गरेको थियो ।

Vianet communication

बस्नेतलाई जिल्ला प्रशासन काठमाडौंले असोज ७ गते १ लाख धरौटीमा छाडेको थियो भने वली र खत्री ५०/५० हजार धरौटी बुझाएर छुटेका थिए ।

उनीहरू त्यहाँबाट छुटेर फेरि नक्कली रक्सीको धन्दामा लागेको देखिएको अपराध अनुसन्धान कार्यालयले जनाएको छ । कार्यालयले आज नक्कली रक्सीसहित ३ जनालाई पक्राउ गरेर सार्वजनिक गरेको हो ।

‘यिनीहरूको कनेक्सन यसअघि पक्राउ परेर छुटेका ३ जनासँग रहेको पाइएको छ,’ प्रहरी वरिष्ठ उपरीक्षक (एसएसपी) मनोज केसीले भने । प्रहरीले उनीहरूलाई खोजिराखेको छ । 

स्वदेशी र विदेशी रक्सीहरूमा सस्तो मदिरामा ‘क्यामेल’ नामको केमिकल र खान मिल्ने रङको प्रयोग गरेर ब्राण्डेड रक्सी बनाई उपत्यकाका विभिन्न दोहोरी तथा डान्सबारहरूमा बिक्री गर्ने गरेको अनुसन्धानमा खुलेको अपराध अनुसन्धान कार्यालयले आज (आइतवार) पत्रकार सम्मेलनमा जानकारी दियो ।

प्रहरीले कुपण्डोलमा मदिराको सामान्य पसल राखेर ठूलो मात्रामा नक्कली मदिरा बिक्री गर्दै आएका दोलखा कालिञ्चोक गाउँपालिका– ३ का २७ वर्षीय निरज उप्रेतीलाई सार्वजनिक गरेको छ । उनले कुपण्डोलमा महंगो भाडा तिरेर अनलाइनमार्फत ठूलो मात्रामा नक्कली मदिरा बिक्री गर्दै आएको अपराध अनुसन्धान कार्यालयले जनाएको छ । 

‘उनले सानो ठाउँको ८० हजार भाडा तिर्ने र अनलाइनमार्फत नक्कली रक्सी बिक्री गरेको पाइएको छ,’ अनुसन्धानमा खटिएका एक प्रहरी अधिकारीले लोकान्तरसँग भने, ‘उनले त्यहाँ किन्न आउने व्यक्तिहरूलाई समेत नक्कली मदिरा बिक्री गर्ने गरेका रहेछन् ।’

स्याङ्जाको गल्याङ नगरपालिका–९ का २६ वर्षीय धर्मी गौडेललाई पनि पक्राउ गरेर सार्वजनिक गरिएको छ । उनले काठमाडौंको नयाँ बसपार्क मित्रनगरमा मदिराको गोदामै राखेर नक्कली मदिरा बिक्री गर्दै आएको अनुसन्धानमा खुलेको छ ।

मदिराको गोदाम राख्न लागि पनि अनुमति लिनुपर्ने व्यवस्था छ । उनले अनुमति समेत नलिएको पाइएको छ । उनले नयाँ बसपार्क क्षेत्रका दोहोरी साँझ, डान्सबारहरूमा नक्कली रक्सी सप्लाइ गर्दै आएका थिए । कहाँ–कहाँ कति सप्लाइ गरे भन्ने खुलेको छैन ।

प्रहरीले पक्राउ परेका सिन्धुली तीनपाटा गाउँपालिका–२ का २६ वर्षीय गणेशबहादुर रानामगर ललितपुरको टीकाथलीमा कारखाना सञ्चालन गर्दै आएका थिए ।

उनीसँगै विनोद कार्की, भगवान बस्नेत, गोपाल पुन मगर, हरि वली, मनोज खत्री, गौरव तामाङ र गोपीकृष्ण श्रेष्ठहरूले टीकाथलीमा टहरामा नक्कली रक्सी बनाउने गरेको अनुसन्धानमा खुलेको अनुसन्धान कार्यालयले जनाएको छ । 

प्रहरीका अनुसन्धानमा उनीहरूले नक्कली रक्सी बनाएर उपत्यकामा बिक्री गर्ने गरेका छन् । अन्य मदिरा पसललाई पनि आर्थिक प्रलोभनमा पारेर बिक्री गराउने गरेको खुलेको छ ।

कसरी परे पक्राउ ?

अपराध अनुसन्धान कार्यालयका प्रहरी नायब उपरीक्षक (डीएसपी)को टोलीलाई सूचना आयो– फेरि नक्कली रक्सी बिक्री हुँदैछ । अर्को सूचना पनि आयो कुपण्डोलमा २/३ सय रक्सीका बोतल राखेर होलसेलमा बजार मूल्यभन्दा निकै सस्तोमा रक्सी बिक्री भइराखेको छ । 

सूचना पाएपछि प्रहरीले प्राविधिक लगायतका अनुसन्धान शुरू गर्‍यो । त्यहाँ नक्कली रक्सी भएको पुष्टि भयो । प्रहरीले निरज उप्रेतीलाई तत्काल पक्राउ गर्‍यो । त्यसपछि उनीहरूको कनेक्सन खोज्न थालियो ।

त्यही सूचनाका आधारमा नयाँ बसपार्कमा पनि नक्कली रक्सी बिक्री भइराखेको सूचना आयो । प्रहरीले छापा मारेर रक्सीसहित धर्मी गौडेललाई पक्राउ गर्‍यो । उनीहरूकै सूचनाको आधारमा कारखाना सञ्चालकमध्येका १ जना गणेशबहादुर राना मगरलाई पनि पक्राउ गर्‍यो । 

राना मगरलाई पक्राउ गरेर प्रारम्भिक अनुसन्धान गर्दा यसभन्दा पहिले पनि नक्कली रक्सीमा पक्राउ परेका व्यक्तिहरूको रहस्य खुलेको अनुसन्धानमा खटिएका प्रहरी अधिकारीले बताए ।

यसै प्रकरणमा जोडिएका विनोद कार्की, भगवान बस्नेत, गोपाल पुन मगर, हरि वली, मनोज खत्री, गौरव तामाङ र गोपीकृष्ण श्रेष्ठहरू फरार छन् ।

प्रहरीले आज रुस्लान भोड्का १३२ बोतल, खुकुरी रम ९२ बोतल, २०२० एप्पल ३० बोतल, मुग्लान रक्सी ४२० बोतल, ८८४८ भोड्का ४८ बोतल र गोल्डेनवोक ६ बोतल नियन्त्रणमा लिएको छ भने विभिन्न ब्रान्डका ९ सय ५८ वटा खाली बोतल पनि बरामद गरेको छ ।

hAMROPATRO BELOW NEWS
TATA Below
कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x