×

NIC ASIA

नयाँ राष्ट्रपतिको खोजी

राष्ट्रपति चुनाव : कुल जोड्दा झण्डै माओवादी हाराहारीका साना दलको मत कता ?

माघ १६, २०७९

Prabhu Bank
NTC
Premier Steels

भावी राष्ट्रपतिका लागि दुई ठूला दल नेपाली कांग्रेस र नेकपा एमालेले दाबी गरिरहे पनि निर्णायक मत भने उनीहरू​बाहेकका दलसँग छ ।

Muktinath Bank

यी दुईमध्ये कतै एकातिर तेस्रो ठूलो दल नेकपा (माओवादी केन्द्र) मात्र जोडिँदा पनि राष्ट्रपति निर्वाचित हुनका लागि पर्याप्त मत पुग्दैन । त्यस्तो अवस्थामा साना दलहरूको मत समेत निकै महत्त्वपूर्ण हुने अवस्थामा छ ।


Advertisment
RMC TANSEN
IME BANK INNEWS
shivam ISLAND

राष्ट्रपतिको निर्वाचन आगामी फागुन २५ गते गर्ने गरी निर्णय भएको छ । त्यसका लागि उम्मेदवारी मनोनयन फागुन १३ गतेका लागि तोकिएको छ ।


Advertisment
Nabil box
Kumari

राष्ट्रियसभा, प्रतिनिधिसभा र प्रदेशसभा सदस्यको मतभारबाट हुने निर्वाचनमा माओवादी कांग्रेस र एमालेको तानातानमा देखिन्छ । ५२ हजार ६२८ को कूल मतभारमा राष्ट्रपतिमा विजयी हुन बहुमत अर्थात् २६ हजार ३१५ मत कटाउनुपर्ने हुन्छ । 

Vianet communication

राष्ट्रपति चुनावमा प्रमुख दाबेदार कांग्रेसको १६ हजार २२१ मत छ । अर्को दाबेदार एमालेको मत १५ हजार ३६० मत छ । यी दुवै दलबीचको प्रतिस्पर्धामा माओवादीको ७ हजार ८२४ मत निर्णायक अवस्थामा छ । माओवादीको भोट आकर्षित गर्न सक्ने दलले नै अन्य साना दलबाट आवश्यक मत पाउन सक्ने देखिन्छ ।

२ हजार ४५० मत भएको राप्रपा र १ हजार ५०१ (रविको सांसद पद खारेजीपछि) मत भएको रास्वपा एमाले निकट देखिएका छन् । यी दलको मत १९ हजार ३११ छ । 

कता जाला खुल्न बाँकी साना दलको मत ?

अहिलेको सत्ता गठबन्धनअनुसार एमाले, माओवादी, राप्रपा र रास्वपा मिले २७ हजार २१४ मत कटाउनेछन् । तर एमालेलाई राष्ट्रपति दिन माओवादीले आनाकानी गरिरहेको छ । एमाले भने सत्ता गठबन्धन बन्दाको सहमतिअनुसार राष्ट्रपति आफूहरूले पाउनुपर्ने अडानमा छ ।

राष्ट्रपति, सभामुख, महत्त्वपूर्ण मन्त्रालयसहितका शक्तिशाली पदमा एमाले पुग्दा जोखिम हुने बुझाइ माओवादीको छ । यसैले उसको प्राथमिकता सकेसम्म राष्ट्रिय सहमति होस् भन्नेमा छ । तर एक महिनाअघि मात्रै बनेको सत्ता समीकरणको सहमतिबाट पछाडि फर्किँदाको नैतिक संकटको डर पनि उसलाई उत्तिकै छ । 

यस्तोमा माओवादीबाहेकका दल पनि निर्णायक मत लिएर बसेका छन् ।  २ हजार ४९४ मत भएको नेकपा एस, २ हजार १४५ मत भएको जसपा,  १ हजार २४२ मत भएको जनमत, १ हजार ०१९ मत भएको लोसपा र ८९२ मत भएको नागरिक उन्मुक्ति पार्टीको मत राष्ट्रपतिका लागि निकै महत्त्वपूर्ण रहेको देखिन्छ ।

यी दलको कुल मत ७ हजार ७९२ छ । जुन माओवादीको भन्दा ३२ मतले कम हो । यी दलले मत नदिए कांग्रेस र माओवादी मात्रै मिल्दा पनि राष्ट्रपति जित्ने अवस्था हुँदैन । 

एमाले, राप्रपा र रास्वपाको १९ हजार ३९० मतमा यी नेकपा एस, जसपा, लोसपा, जनमत, नागरिक उन्मुक्ति पार्टीको मत जोड्दा २७ हजार १८२ मत पुग्ने देखिन्छ । 

साना दललाई मनाउन सके एमालेले कांग्रेस र माओवादी विना नै राष्ट्रपतिको चुनाव जित्न सक्ने देखिन्छ । तर, एमालेले राप्रपा र रास्वपालाई बढी च्याप्दा अन्य दलसँग सम्बन्ध बिगारिरहेको छ ।

अर्कातर्फ आफैंबाट विभाजित नेकपा एससँग उसको सम्बन्ध झन् तिक्ततापूर्ण छ । सोही कारण यो समीकरण अंक गणितमा मात्र सम्भव देखिन्छ ।

के भन्छन् साना दलका नेता ? 

२ हजार ४९४ मत भएको माधव नेपाल नेतृत्वको नेकपा एकीकृत समाजवादीका उपमहासचिव जगन्नाथ खतिवडा राष्ट्रपति चुनावमा उम्मेदवार अघि सरेपछि मात्रै कसरी अगाडि बढ्ने भन्ने टुंगो लाग्ने बताउँछन् ।

‘राष्ट्रपति निर्वाचनको मिति तोकिएपछि अब चुनावी माहोल तात्ला । को–को उम्मेदवार हुन्छन् हेर्न बाँकी छ,’ खतिवडाले लोकान्तरसँग भने, ‘हामी अहिलेसम्म सत्ता गठबन्धनको विपक्षमा छौं । अर्थात हामी प्रतिपक्ष नै हौं । तर पनि उम्मेदवार चयन भएपछि एउटा टुंगोमा पुग्छौं ।’

त्यस्तै, जसपाका अध्यक्ष उपेन्द्र यादवले कांग्रेस र एमालेबाहिरबाट पनि राष्ट्रपति चुनावमा उम्मेदवार हुन सक्ने भन्दै आफूहरू निर्णायक रहेको जनाउ दिए । 

‘समयमा राष्ट्रपतिको चुनाव हुनुपर्छ, तर यो देशमा राष्ट्रपतिका लागि एमाले र कांग्रेस मात्रै छैनन्, अरू जनता पनि छन् । यसमा सबैले ध्यान दिनुपर्छ,’ यादवले भने ।

प्रचण्ड नेतृत्वको सरकारलाई समर्थन दिएको उपेन्द्रको पार्टी सरकारमा सहभागी भएको छैन । तर मधेश प्रदेशमा जसपाबाटै मुख्यमन्त्री निर्वाचित भएका छन् । 

राष्ट्रपति निर्वाचनमा आफ्नो २ हजार १४५ मतलाई उपेन्द्रले बार्गेनिङ टुल बनाएका छन् । कि त महन्थ ठाकुरलाई राष्ट्रपति बनाउने कि त आफ्ना कुनै सांसदलाई उपराष्ट्रपति बनाएर उपचुनावमार्फत संसदमा आउने उपेन्द्रको दाउ छ ।

राष्ट्रपति निर्वाचनमा आफ्नो २ हजार १४५ मतलाई उपेन्द्रले बार्गेनिङ टुल बनाएका छन् । कि त महन्थ ठाकुरलाई राष्ट्रपति बनाउने कि त आफ्ना कुनै सांसदलाई उपराष्ट्रपति बनाएर उपचुनावमार्फत संसदमा आउने उपेन्द्रको दाउ छ ।

यता लोसपाका वरिष्ठ नेता शरतसिंह भण्डारीले राष्ट्रपतिको निर्वाचनमा आफूहरू शक्ति सन्तुलन मिलाउनुपर्ने मान्यतामा रहेको बताए । 

‘हाम्रो माग संविधान संशोधन र नागरिकता, थरुहट र मधेशी राजबन्दी रिहाइसहितका छन् । यी माग सम्बोधन गर्ने भनेर सरकारलाई समर्थन गरेका हौं । तर पनि कांग्रेसले विश्वासको मत दिएपछि सहमतिको वातावरण अगाडि बढाउनुपर्छ । शक्ति सन्तुलनको सिद्धान्तअनुसार शक्ति विकेन्द्रित गरेर राज्यका संयन्त्रमा ‘चेक एन्ड ब्यालेन्स’ गर्दा लोकतन्त्र बलियो हुन्छ र सबैको सम्मान हुन्छ भन्ने हाम्रो मत हो,’ उनी भन्छन्, ‘यसैले सबैलाई समेटेर जानका लागि राष्ट्रपतिको चुनाव सहमतिमा हुनुपर्छ । माओवादीले प्रधानमन्त्री र एमालेले सभामुख लिएपछि राष्ट्रपति एमाले र माओवादी बाहिरबाट चयन भए शक्ति सन्तुलन हुन्छ ।’

समावेशी पनि हुने भएकाले लोसपाका अध्यक्ष महन्थ ठाकुरलाई राष्ट्रपतिमा अगाडि सार्नु उपयुक्त हुने जिकिर उनले गरे ।

‘अहिले देशको राजनीतिक, सामाजिक चुनौतीलाई मध्यनजर राख्दा सहमतिमा अघि बढ्नुपर्ने अवस्था छ । यस्तोमा समावेशी पनि रहोस्, शालीन, भद्र र सबैले सम्मान गर्ने व्यक्ति पनि होस् भन्ने धेरैको चाहना छ । संविधान र लोकतन्त्रप्रति प्रतिबद्ध भएको व्यक्तित्वको खोजी पनि छ,’ उनले भने, ‘यी सबै आधारमा उपयुक्त पात्र हाम्रै पार्टीका अध्यक्ष महन्थ ठाकुर हुनुहुन्छ ।’ लोसपाले प्रधानमन्त्रीलाई विश्वासको मत दिए पनि ऊ कांग्रेससँगै प्रतिपक्षमा छ । 

यसैगरी सीके राउत नेतृत्वको जनमत पार्टीका महासचिव चन्दन सिंहले सत्ता गठबन्धन र कांग्रेसबाट राष्ट्रपतिमा को उम्मेदवार हुन्छन्, त्यसपछि निर्णयमा पुग्ने जानकारी दिए । 

‘दलहरूबीच सहमतिको वातावरण बन्ने चर्चा पनि छ । राष्ट्रपतिमा सत्ता गठबन्धन र कांग्रेसकोतर्फबाट को उम्मेदवार बन्छन्, पहिले त्यो हेर्छौ‌ं,’ सिंहले लोकान्तरसँग भने, ‘उम्मेदवार हेरेर जनमत पार्टी एउटा टुंगोमा पुग्छ ।’

जनमत पार्टीले पनि केन्द्र र प्रदेश सरकारलाई समर्थन गरेको छ । 

यसैगरी नागरिक उन्मुक्ति पार्टीको अडान आफ्ना नेता रेशम चौधरीलाई रिहाइको छ । आफ्नो माग पूरा गर्ने दललाई समर्थन दिएर जाने उसको नीति छ । 

अन्य छुटपुट मत

राष्ट्रपतिको निर्वाचनमा स्वतन्त्र सांसदको मत पनि ८७५ रहेको छ । राष्ट्रपतिको प्रतिस्पर्धामा यिनीहरूले पनि प्रभाव पार्न सक्नेछन् । स्वतन्त्र मतमध्येबाट धेरै मत कांग्रेसले पाउन सक्ने चर्चा छ । स्वतन्त्रबाहेक राष्ट्रिय जनमोर्चाको १५८, नेपाल मजदुर किसान पार्टीको २२३, हाम्रो नेपाली पार्टीको ९६ र संघीय समाजवादी पार्टीको ४८ मत छ ।

पढ्नुहोस्, सम्बन्धित समाचारहरू :

 

hAMROPATRO BELOW NEWS
TATA Below
मंसिर १०, २०८०

सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

बैशाख २४, २०८१

नेकपा एमालेसँग मिलेर नयाँ समीकरण बनाउने प्रयास भइरहेका बेला भित्रभित्रै वैकल्पिक गठबन्धनका लागि पनि प्रयास गरेपछि नेपाली कांग्रेसका सभापति शेरबहादुर देउवा फेरि एकपटक चिप्लिएका छन् ।  देउवाले एमालेसँ...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

बैशाख ११, २०८१

फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x