३१ असार २०८३, बुधबार
भारतको लोकसभामा राष्ट्रपतिको सम्बोधनमाथि मंगलवार चर्चा हुँदा कांग्रेस नेता राहुल गान्धीले अडानी प्रकरणलाई सन्दर्भ बनाउँदै मोदी सरकारमाथि आक्रमण गरेका छन् ।
उनले भने, ‘भारत जोडो यात्राका क्रममा देशभरि अडानीको नाम सुनियो । अडानी जुन व्यापारमा पसे पनि सफल हुन्छन् यो कसरी सम्भव छ भनी मानिसले प्रश्न सोधे । यिनको पहिला एकदुईवटा बिजनेस थियो अहिले कसरी १० वटा बिजनेसमा काम गरिरहेका छन् ?’
राहुलले थपे, ‘अडानी संसारका धनाढ्यको सूचीमा सन् २०१४ मा ६०९औं स्थानमा थिए । अनि जादू भयो र उनी दोस्रो नम्बरमा पुगे । य ियति सफल कसरी भए अनि देशका प्रधानमन्त्री नरेन्द्र मोदीसँग यिनको के सम्बन्ध छ भनी मानिसले सोधे ।’
त्यसपछि राहुलले मोदी र अडानी सँगै बसेको एउटा तस्वीर सदनमा देखाए ।
राहुलले थपे, ‘अडानी र मोदीको सम्बन्धका बारेमा मलाई थाहा छ । अडानी मोदीका बफादार हुन् । सन् २०१४ मा मोदी प्रधानमन्त्री बनेर दिल्ली आएपछि असली जादू शुरू हुन्छ । मोदीले देशका ६ वटा एयरपोर्ट अडानीलाई सुम्पिए ।’
अडानीसँग मोदीलाई जोडेपछि भाजपाले राहुल गान्धीको आलोचना गरेको छ ।
