राष्ट्रपति चयन तथा समसामयिक राजनीतिक विषयमा छलफल गर्न सरकार नेतृत्वकर्ता दल नेकपा (माओवादी केन्द्र) को पदाधिकारी बैठक आज बस्दैछ । माओवादी केन्द्रका नेता मातृका यादवका अनुसार आज सोमबार दिउँसो ४ बजे बैठक पेरिसडाँडामा बस्दैछ ।  

फागुन २५ गते हुने राष्ट्रपति चुनावका विषयमा केन्द्रित भएर छलफल हुने यादवले बताए । आइतबार साँझ कांग्रेसमा शीर्ष नेताहरुले माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डसँग बालुवाटार पुगेर छलफल गरेका थिए । कांग्रेसले राष्ट्रपतिमा सहयोग माग्दा प्रधानमन्त्री प्रचण्डले पार्टीमा छलफल गरेर राष्ट्रपति निर्वाचनका लागि फागुन १३ गते शनिबार उम्मेदवारी दर्ताको कार्यक्रम तय भएको छ । 

पुस १० मा सात दलीय गठबन्धनबाट सरकार बन्दा राष्ट्रपति नेकपा (एमाले) ले पाउने सहमति बनेको थियो । पुस २६ मा कांग्रेसले पनि प्रधानमन्त्री प्रचण्डलाई विश्वासको मत दिएपछि राष्ट्रपतिका विषयमा नयाँ बहस शुरुभएको थियो ।  

एमालेले पुस १० गतेको सहमति कार्यान्वयनमा जोड दिएको छ । माओवादी केन्द्रले राष्ट्रिय सहमतिमा राष्ट्रपति चयन हुनुपर्ने भनिरहेको छ । आजको बैठकले त्यस विषयमा ठोस निर्णय लिने माओवादी नेताहरुको भनाइ छ ।