कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरले साइकल र्‍यालीको आयोजना गरी विश्व मुख स्वास्थ्य दिवस मनाएको छ ।

दिवसको अवसरमा जनचेतना जागृत गर्न साइकल र्‍यालीको आयोजना गरिएको हो ।

अस्पताल प्राङ्गणबाट शुरू भएको साइकल र्‍याली दीपेन्द्र चोक, लायन्स चोक, पुल्चो हुँदै गैंडाकोटको मौलाकालिका फेदी पुगेको थियो । र्‍याली पुनः कलेज प्राङ्गणमा आएर समापन भएको थियो ।

र्‍यालीमा सहभागीहरूले मुख स्वास्थ्य सम्बन्धी विभिन्न जनचेतनामूलक नारा अंकित प्लेकार्ड बोकेका थिए । हरेक वर्ष २० मार्चका दिन विश्व मुख स्वास्थ्य दिवस मनाइन्छ ।