२७ असार २०८३, शनिबार
बार्सिलोनाले आइतवार राति इस्पान्योलमाथि ४–२ गोलको अन्तरले खेल जितेसँगै यस सीजनको ला लिगा उपाधि जितेको छ ।
जाभी हर्नान्डेजको व्यवस्थापनमा रहेको बार्सिलोनाले २७औं पटक ला लिगा जितेपछि रिसाएका इस्पान्योलका प्रशंसकहरूले मैदानमा दौडेर बार्साका खेलाडीहरूलाई लखेटेका थिए । सुरक्षाका लागि बार्साका खेलाडीहरू टनलतर्फ भागेका थिए ।
बार्सिलोनाले आरसीडीई स्टेडियममा खेल सकिएपछि खुशियाली मनाउँदै गर्दा इस्पान्योलका लगभग १०० प्रशंसकहरू मैदानमा पसेका थिए ।
त्यसपछि बार्सिलोनका खेलाडीहरू टनलतर्फ दौडेका थिए । प्रशिक्षक जाभीले आफ्ना खेलाडीहरूलाई अर्काको स्टेडियममा मर्यादित रहन भनेका थिए ।
