२२ जेठ २०८३, शुक्रबार
एनएमबि बैंकको महोत्तरी शाखाबाट कुल १५ लाख १ हजार ४९३ रुपैयाँ लुटिएको खुलेको छ ।
जिल्ला प्रहरी कार्यालय महोत्तरीका प्रहरी उपरीक्षक प्रकाश मल्लका अनुसार बैंकको अन्तिम हिसाब मिलान गर्दा कुल १५ लाख १ हजार ४९३ रुपैयाँ मात्र लुटिएको देखिएको छ ।
महोत्तरीको महोत्तरी गाउँपालिका –२ स्थित बैंकको शाखाबाट मंगलवार झन्डै ३५ लाख रुपैयाँ लुटिएको अनुमान गरिएको थियो ।
प्रहरीले लुटेराको पहिचान गर्न तथा पक्राउ गर्नका लागि सर्च अभियान जारी राखेको उनले बताए ।
लुटेराको पहिचान हुन सकेको छैन । उनीहरू भारतीय पनि हुनसक्ने प्रहरीको अनुमान छ । चार जना अज्ञात व्यक्तिहरूले पेस्तोल देखाएर दिनदहाडै बैंक लुटेका थिए ।
‘लुटपाटमा संलग्न हुनसक्ने भन्दै बैंकका कर्मचारीहरू, स्थानीय ग्राहकदेखि विभिन्न पक्षलाई पनि छानबिनको दायरामा राखिएको छ,’ एसपी मल्लले लोकान्तर भने,’ अनुसन्धान घुँगुरिएको छ । मान्छे पक्राउ नपर्दासम्म अहिले नै केही भन्न सकिन्न ।’
