०७ साउन २०८३, बिहीबार
माछापुच्छ्रे बैंक लिमिटेड ‘इन्फोसिस फिनाकल इनोभेसन अवार्ड २०२३’ बाट सम्मानित भएको छ ।
ग्राहकलाई प्रदान गर्ने डिजिटल सेवाको गुणस्तर र कारोबार संख्यामा उल्लेखनीय वृद्धि गर्दै डिजिटल बैंकिङमा अभूतपूर्व सफलता हासिल गरेसँगै बैंक ‘इन्फोसिस फिनाकल इनोभेसन अवार्ड २०२३–अधिकतम ग्राहक संलग्नता–गोल्ड’ बाट सम्मानित भएको हो ।
बहुराष्ट्रिय सूचना प्रविधि कम्पनी इन्फोसिस फिनाकल बैंगलोर भारतले प्रदान गर्ने पुरस्कारबाट बैंक सम्मानित भएको हो ।
कम्पनीले हरेक वर्ष विभिन्न १० विधामा अवार्ड प्रदान गर्दै आइरहेको छ । यस वर्ष विश्वभरिबाट २०० भन्दा बढी कम्पनीहरू मनोनयनमा परेका थिए ।
विगत दुई वर्षमा बैंकले आफ्नो डिजिटल सेवालाई परिष्कृत गर्दै सेवालाई सुरक्षित बनाउनका लागि नवीनतम कार्य गर्दै आएको छ ।
माछापुच्छ्रे बैंकले हाल देशका ७ वटै प्रदेशमा १ सय ६५ शाखा, १२ एक्सटेन्सन काउन्टर, १ सय ३३ शाखारहित बैंकिङ सेवा, २ सय ३ एटीएममार्फत १४ लाखभन्दा बढी ग्राहकलाई सेवा प्रदान गर्दै आइरहेको छ ।
