३१ असार २०८३, बुधबार
ललितपुरको इमाडोलमा बस दुर्घटना भएको छ । लामाटारबाट लगनखेलतर्फ आउँदै गरेको बा२ख ८५८३ नम्बरको बस महालक्ष्मी नगरपालिका-१ बाहुनधारास्थित सडकबीचमै पल्टिएको प्रहरीले जनाएको छ ।
प्रहरीका अनुसार अनियन्त्रित भई बस पल्टिँदा चालकसहित केही यात्रु घाइते भएका छन् । उनीहरूको अवस्था सामान्य छ ।
घाइतेहरूलाई किस्ट हस्पिटल लगिएको प्रत्यक्षदर्शी पूर्णप्रसाद श्रेष्ठले जानकारी दिए ।
बसमा २४ जना सवार थिए।
