उपप्रधान एवं गृहमन्त्री नारायणकाजी श्रेष्ठले नागरिकता विधेयकका विषयमा प्रमुख जिल्ला अधिकारी (सीडीओ)सँग छलफल गरेका छन् । 

संशोधित नागरिकता ऐन कार्यान्वयनमा आएसँगै मन्त्री श्रेष्ठले शनिवार भर्चुअल माध्यमबाट ७७ जिल्लाकै सीडीओसँग छलफल गरेका हुन् ।

नागरिकता ऐन कार्यान्वयनमा आएसँगै ३० देखि ३५ लाख जनाले नेपाली नागरिकता पाउने अनुमान गरिएको छ । नागरिकता बनाउनका लागि सेवाग्राहीहरू जिल्ला प्रशासन कार्यालयमा रातिदेखि नै लाइन बस्नुपर्ने बाध्यता छ ।