कात्तिक २८, २०८०
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काठमाडाैं | असार २८, २०८०
वाणिज्य बैंकहरूमा लगानीयोग्य रकम (अधिक तरलता) अस्वाभाविक ढंगले बढेको छ ।
असारमा बढेको सरकारी खर्च, चालू आर्थिक वर्षको ब्यालेसन्सिट मेन्टेन गर्न रोकिएको कर्जा लगानी आदि कारणले वाणिज्य बैंकहरूमा तरलता थुप्रिएको हो ।
नेपाल बैंकर्स संघका अध्यक्ष तथा एनएमबी बैंकका प्रमुख कार्यकारी अधिकृत (सीईओ) सुनिल केसी सामान्यतया असार महिनामा बर्सेनि तरलता थुप्रिने गरेको बताउँछन् । गत वर्ष कम भएको तरलताको तुलनामा यो वर्ष उल्लेख्यरूपमा तरलता बढेको देखिएको केसीको भनाइ छ ।
उनका अनुसार २५ असारसम्ममा समग्र वाणिज्य बैंकहरूमा मात्रै यस्तो अधिक तरलता ४ सय अर्ब (४ खर्ब) रुपैयाँभन्दा बढी पुगेको छ । अहिले देखिएको अधिक तरलताले आगामी आर्थिक वर्षको नीतिलाई खुकुलो बनाउन सहयोग पुग्ने बुझाइ केसीको छ ।
चालू आर्थिक वर्षमा भने शुरूदेखि नै तरलता अभाव हुँदा बैंकहरूले अपेक्षाअनुसार कर्जा विस्तार गर्न सकेनन् । केन्द्रीय बैंकले चालू आर्थिक वर्षका लागि १२ प्रतिशत कर्जा विस्तारको सीमा दिएको भए पनि असारसम्ममा पनि लक्ष्यको तुलनामा आधा मात्रै कर्जा विस्तार हुन सकेको छ ।
चालू आर्थिक वर्षको अन्त्यमा थुप्रिएको यस्तो तरलताले अगामी आवमा (साउनपछि) ऋणको मागअनुसार लगानी गर्न बैंकहरूलाई सहज हुने पनि नेपाल बैंकर्स संघको भनाइ छ ।
अहिलेको तथ्यांकले गत वर्षको जस्तो तरलता अभाव आगामी आर्थिक वर्ष २०८०/८१ मा हुँदैन भन्ने अनुमान भइरहेको केसीले बताए ।
राष्ट्र बैंकले मौद्रिक नीति ल्याएपछि बैंकहरूले कर्जाको विस्तारलाई गति दिने छन् । लगानीसम्बन्धी केन्द्रीय बैंकको नीति हेरेर थप वातावरण बन्ने अपेक्षाले पनि असारमा कर्जा विस्तार कम हुने गरेको केसीको भनाइ छ ।
अहिलेसम्मको अवस्थाअनुसार आगामी आर्थिक वर्षमा तरलता सहज हुने अनुमान गर्न सकिन्छ ।
सरकारको पुँजीगत खर्च असारमै बढ्ने र यो वर्षको असारसम्ममा पनि अपेक्षाअनुसार ऋण प्रवाह हुन नसकेका कारण पनि अधिक तरलता थुप्रिएको नेपाल बैंकर्स संघले बताएको छ ।
नेपाल राष्ट्र बैंकको तथ्यांकअनुसार २४ असारसम्ममा बैंक तथा वित्तीय संस्थाहरूमा ५७ खर्ब १५ अर्ब रुपैयाँ निक्षेप संकलन भएको छ ।
यस्तो निक्षेपमा अहिलेसम्मको कर्जा निक्षेपको तथ्यांकअनुसार वाणिज्य बैंकहरूको हिस्सा सबैभन्दा बढी छ । वाणिज्य बैंकहरूले मात्रै ५० खर्ब ५० अर्ब रुपैयाँ निक्षेप संकलन गरेर ४३ खर्ब १ अर्ब रुपैयाँ कर्जा विस्तार गरेका छन् ।
अहिले बैंकहरूको कर्जा निक्षेप अनुपात (सीडी रेसियो) ८२.०३ प्रतिशत छ भने अन्तर बैंक ब्याजदर पनि १.३६ प्रतिशत मात्रै छ । सीडी रेसियो र अन्तर बैंक ब्याजदर तरलता जति धेरै थुप्रियो उति कम हुँदै जान्छ ।
नेपाल राष्ट्र बैंकका सहप्रवक्ता नारायणप्रसाद पोखरेल असार १२ पछाडि बैंकिङ प्रणालीमा तरलता बढेको बताउँछन् । १२ असारमा बैंकहरू दैनिक तरलता मेन्टेन गर्न पनि असहज अवस्थामा पुगेको भए पनि त्यसपछि तरलतामा बढेको उनले बताए ।
पछिल्लो समय तरलता बढेकै कारण अन्तरबैंक ब्याजदर एकै दिनमा ३ प्रतिशतबाट १.३६ प्रतिशतमा झरेको छ । बैंकहरूमा तरलता अभाव भएको समयमा अन्तरबैंक ब्याजदर ७ प्रतिशतसम्म पुगेको थियो ।
बैंकहरूमा जति तरलता बढ्यो उति नै कर्जा निक्षेप अनुपात (सीडी रेसियो) कम हुँदै जान्छ । दुई साता अगाडिसम्म बैंकहरूमा सीडी रेसियो मेन्टेन गर्न नपुग्ने रकम भएकाले अहिले अधिक तरलताका कारण ८८/९० प्रतिशत पुगेको सीडी रेसियो अहिले ८२ प्रतिशतमा झरेको केन्द्रीय बैंकको तथ्यांकले देखाएको छ । अन्तरबैंक ब्याजदर घट्ने तथा बैंकहरूले पनि कर्जा लगानीमा प्रतिस्पर्धा गर्ने हुँदा ब्याजदर पनि घट्ने गरेको छ ।
राष्ट्र बैंकले धेरै रकम रिभर्स रिपोमार्फत फिर्ता पनि नलिएको हुँदा अहिलेको तथ्यांकले तरलताको अवस्था राम्रो देखाउँछ । यसले वित्तीय क्षेत्रलाई दबाब भने थपिएको छ ।
बैंकहरूको खराब कर्जाको दर बढेका कारण वित्तीय क्षेत्रलाई दबाब परिरहेको छ ।
निक्षेप थुप्रिनु, कर्जा विस्तार कम हुनु र खराब कर्जा बढ्नु वित्तीय क्षेत्रका लागि राम्रो नहुने नेपाल राष्ट्र बैंकका सहप्रवक्ता पोखरेलले बताए ।
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...