०२ साउन २०८३, शनिबार
माछापुच्छ्रे बैंक लिमिटेडले नेपालमा पहिलोपटक क्यूआर प्रणालीमा भ्वाइस बक्स (इन्स्टन्ट पेमेन्ट नोटिफिकेसन) प्रविधि प्रयोगमा ल्याएको छ ।
नेपाल राष्ट्र बैंक भुक्तानी प्रणाली विभाग लगायत यस बैंकका अन्य केही स्थानहरूबाट प्रविधिको शुभारम्भ गरिएको बैंकले जनाएको छ । यो प्रविधि प्रयोगमा ल्याउने माछापुच्छ्रे बैंक नेपालमै पहिलो बैंक भएको छ ।
यही साउन ५ गतेबाट क्यूआरमा भ्वाइस बक्स जडान गरेर माछापुच्छ्रे बैंकले यो नवीनतम प्रविधिको शुरुवात गरेको हो ।
अब माछापुच्छ्रे बैंकका क्यूआर मर्चेन्टहरूले क्यूआरमार्फत भुक्तानी प्राप्त गर्दा कारोबार सफल भएको जानकारी एसएमएस सँगसँगै ध्वनी (साउण्ड) मार्फत पनि जानकारी दिइनेछ ।
जसले गर्दा सेवाग्राही तथा मर्चेन्टहरूमाझ क्यूआरप्रति लोकप्रियता एवं विश्वसनीयता बढ्ने बैंकको विश्वास छ । यसका साथै भविष्यमा नगदरहित कारोबारलाई समेत टेवा पुग्ने बैंकको दाबी छ ।
यस सुविधाबाट हजारौं साना तथा मझौला क्यूआर मर्चेन्टहरू प्रत्यक्ष लाभान्वित हुने छन् ।
सो को प्रयोगले ग्राहक र मर्चेन्टहरू बीच देखिएका केही भुक्तानीसम्बन्धी विवाद निराकरण हुने विश्वास बैंकको छ ।
हाल उक्त सेवा नेपाल पे क्यूआरका मर्चेन्टहरूमा उपलब्ध रहेको र छिट्टै अन्य नेटवर्कमा पनि जडान गरिने बैंकको योजना छ ।
बैंकले नगदरहित बैकिङलाई बढावा दिँदै पहिलो डिजिटल ‘स्मार्ट बैंक’को रुपमा आफूलाई स्थापित गर्ने लक्ष्यमा निरन्तर अगाडि बढिरहेको छ ।
माछापुच्छ्रे बैंकले देशका ७ वटै प्रदेशमा १ सय ६५ शाखा, १२ एक्स्टेन्सन काउण्टर, १ सय ३० शाखारहित बैंकिङ सेवा, २ सय ३ एटीएममार्फत १५ लाखभन्दा बढी ग्राहकलाई सेवा प्रदान गर्दै आइरहेको छ ।
