२९ असार २०८३, सोमबार
नेपालमा हुन्डाई गाडीहरूको आधिकारिक वितरक लक्ष्मी इन्टरकन्टिनेन्टल प्रालिले ‘ह्वील अफ चेन्ज’ नामक एक्सचेञ्ज अफर सार्वजनिक गरेको छ । यही साउन १८ गतेबाट शुरु भएको यो योजना हुण्डाई नेपाल अन्तर्गतको हुण्डाई प्रोमिसको सहकार्यमा ५ प्रतिष्ठित कार एक्सचेञ्ज विक्रेताहरूसँगको साझेदारीमा ल्याइएको हो ।
आफ्नो कुनै पनि ब्रान्डको गाडी ल्याएर हुण्डाईको उत्कृष्ट, गुणस्तरीय र विश्वसनीय इन्धनयुक्त वा विद्युतीय उत्पादनसँग एक्सचेञ्ज गर्न सकिने कम्पनीले जनाएको छ ।
ग्राहकहरूको आवश्यकता र सन्तुष्टिलाई ध्यानमा राख्दै सार्वजनिक गरिएको अफर अन्तर्गत काठमाडौं अटोमोबाइल सेन्टर, बाबा बसेरा अटो ग्रुप प्रालि, आरके अटो सेन्टर, श्रेया अटो इन्टरप्राइजेज् र रेसिङ्ग अटोमोबाइल इन्टरप्राइजेज् गरी ५ प्रतिष्ठित एक्सचेञ्ज पार्टनर्सहरूसँग सहकार्य रहेको हुण्डाईले जनाएको छ ।
यो योजना नेपालभरिनै लागु हुने भएकोले उपत्यका बाहिर यो योजनामा सहभागी हुन आफ्नो नजिकैको हुण्डाईको शोरुममा जान कम्पनीले आग्रह गरेको छ ।
अत्यधिक लाभ र विशेषतासहितको यो योजनाले ग्राहकहरूलाई हुण्डाईको विभिन्न उपलब्ध मोडलहरूमा रु. ५,००,००० सम्मको नगद छुट, रु. १,५०,००० सम्मको एक्सचेञ्ज बोनस र रु.२५,००० सम्मको एसेसरिज पनि प्राप्त गर्न सक्नेछन् ।
एक्सचेञ्ज पार्टनर र हुण्डाई शोरुममा गएर हुण्डाई गाडीको टेष्ट ड्राइभ गरी आकर्षक उपहारहरू पनि जित्न सकिने कम्पनीले जनाएको छ ।
योजना स्थलमै तुरुन्तै पुरानो गाडीको मूल्याङ्कन गरी छिटो तथा छरितो माध्यमबाट एक्सचेञ्ज योजना सफल बनाउने प्रतिबद्धता हुण्डाईले गरेको छ ।
