कात्तिक १७, २०८०
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
बैंकहरूमा करीब साढे ५ खर्ब रुपैयाँ लगानीयोग्य रकम (तरलता) थुप्रिएको छ । निक्षेपको तुलनामा कर्जा प्रवाह नहुँदा लगानीयोग्य रकम बढेको हो ।
निजी क्षेत्रले उद्योग र व्यापारका लागि अपेक्षाकृत ढंगले ऋण नमाग्दा बैंकिङ तरलता बढिरहेको देखिएको छ ।
गत वर्षको साउनमा बैंकहरू निक्षेप खोज्ने तनावमा भौंतारिएका थिए, तर यो वर्ष तरलता बढी भएर लगानीको क्षेत्र खोज्नुपर्ने दबाब छ ।
बैंकमा तरलता थुप्रिँदै जाने र कर्जा लगानी कम भइरहने हो भने आर्थिक वृद्धिमै असर पुग्ने चिन्ता व्यक्त हुन थालेको नेपाल बैंकर्स संघका सदस्य सुदेश खालिङले बताए ।
एभरेस्ट बैंकका प्रमुख कार्यकारी अधिकृत (सीईओ)समेत रहेका खालिङ अहिले नै बैंकहरूसँग साढे ५ देखि ६ खर्ब रूपैयाँ लगानी गर्न सक्ने क्षमता रहेको बताउँछन् ।
बर्सेनि बैंकहरूले असारदेखि नै लगानी कम गर्दै जाने भएकाले साउनमा तुलनात्मक रूपमा कर्जा विस्तार घट्ने गरेको छ । त्यसो हुँदाहुँदै पनि माग अपेक्षाकृत ढंगले नआउँदा बैंकहरूलाई टाउको दुखाइ बनेको छ ।
‘तरलता थुप्रिँदै जाने र कर्जाको माग लामो समयसम्म कम भइरहने हो भने यो वर्ष नाफामै असर पर्न सक्छ’, खालिङले भने, ‘बैंकहरूले बेलैमा लगानीको क्षेत्र खोज्न सकेनन् भने निजी क्षेत्रतर्फ कर्जा विस्तार कम हुँदा अर्थतन्त्र थप संकुचनमा जान सक्ने र त्यसको असर आर्थिक वृद्धिमा पर्ने चिन्ता छ ।’
उनले थपे, ‘गत वर्षको साउनमा तरलता अभाव भएर तड्पिएका बेला कर्जाको माग थियो, तर लगानी गर्न पैसा थिएन । अहिले तरलता थुप्रिएको छ, तर ऋणको माग नै छैन ।’
बैंकहरूमा कर्जाको माग र कर्जा प्रवाहको चक्र चलिरहनुपर्छ । यो चक्र नचले लगानी रोकिन्छ । आर्थिक क्षेत्र संकुचनमा गएर ऋणको माग नआएको हुनसक्ने बुझाइ खालिङको छ ।
बैंकहरूको प्रमुख आम्दानीको स्रोत नै कर्जा विस्तार हो । कर्जा विस्तार हुन नसके चालू आवमा बैंकहरूको नाफामा समेत संकुचन आउन सक्छ ।
बैंकहरूबाट निजी क्षेत्रतर्फ प्रवाह हुने कर्जा रोकिँदा अर्थतन्त्रको चक्रमै असर पर्ने जोखिम रहेकाले तत्काल समस्या समाधानमा लाग्नुपर्ने बैंकिङ क्षेत्रका जानकारहरू बताउँछन् ।
नेपाल बैंकर्स संघले उपलब्ध गराएको १९ साउनसम्मको तथ्यांकअनुसार वाणिज्य बैंकहरूले मात्रै सो अवधिसम्ममा ४९ खर्ब ५५ अर्ब निक्षेप संकलन गरेर ४२ खर्ब ९६ अर्ब रुपैयाँ कर्जा प्रवाह गरेका छन् ।
यो तथ्यांकअनुसार असार मसान्तमा बैंकहरूको निक्षेपको तुलनामा साउन तेस्रो सातासम्ममा निक्षेप घटेको छ ।
यो अवधिमा कर्जा लगानी पनि घटेका कारण बैंकिङ प्रणालीमा तरलता कम नभएको नेपाल बैंकर्स संघका सीईओ अनिल शर्माले बताए ।
उनले भने, ‘निक्षेपको तुलनामा कर्जाको माग कम भएको देखिएको छ । असारको तुलनामा साउनमा निक्षेप र कर्जा दुवै कम भएको छ । कर्जा प्रवाह ठप्प रहेकाले तरलता कम भएको छैन ।’
पछिल्लो समय बैंकको ब्याजदर घटेको, बैंक दर कम भएको, बैंकिङ प्रणालीमा तरलता थुप्रिएको अवस्था छ ।
बैंकहरूको कर्जा निक्षेप अनुपात (सीडी रेसियो) ८३ प्रतिशत रहेको अवस्थामा पनि ऋणको माग नभएका कारण तरलता थुप्रिएको बैंकर्स संघको भनाइ छ ।
नेपाल उद्योग वाणिज्य महासंघका उपाध्यक्ष सुरकृष्ण वैद्यले केन्द्रीय बैंकले चालू पूँजी कर्जा नीति लागू गरेर पुराना ऋणीलाई त्रसित गराउने काम गर्दा ऋण विस्तार हुन नसकेको बताए ।
उनले भने, ‘ऋणको ब्याज तिर्न सक्ने अवस्था नभएको समयमा पुरानो ऋण चुक्ता गर्नू भनेर आतंकित बनाउने काम भइरहेको छ, जसका कारण ऋण विस्तार हुन नसकेको हाम्रो बुझाइ छ ।’
अहिलेको अवस्थामा पुराना ऋणीले बैंकको पैसा थप नचलाएसम्म नयाँ ऋणीबाट मात्रै अर्थतन्त्र नचल्ने तर्क उनले गरे ।
पछिल्लो समय आर्थिक मन्दी लागिरहेका बेला नयाँले ऋण लिएर व्यापार/व्यवसाय गर्न आँट गर्न सकेका छैनन् ।
‘ब्याजदर घटाउँदैमा र पैसा छ लिन आऊ भन्दैमा कोही जानेवाला छैन । व्यापारीले व्यापार गरेर लाभ लिन सक्ने र बैंकको ऋण तिर्न सक्ने सुनिश्चितता नदेखेसम्म बैंकको कर्जा विस्तार अपेक्षाअनुसार हुन सक्ने देखिँदैन,’ नेपाल उद्योग वाणिज्य महासंघका उपाध्यक्ष वैद्यले भने ।
नेपाल राष्ट्र बैंकका सह–प्रवक्ता डा. डिल्लीराम पोखरेल भने असारको तुलनामा साउनमा कर्जा प्रवाह कम हुने गरेकाले यसलाई स्वाभाविक रूपमा लिनुपर्ने बताउँछन् ।
असारमा बैंकहरूको ध्यान रिकभरीमा हुन्छ । साउन पनि आवको पहिलो महिना भएकाले योजना बनाउने काममै बित्दा कर्जा विस्तार कम हुने गरेको तर्क पोख्रेलले गरे ।
राष्ट्र बैंकको तथ्यांकअनुसार २४ साउनसम्ममा बैंकिङ प्रणालीमा ५६ खर्ब ७ अर्ब निक्षेप संकलन भएर ४८ खर्ब ५० अर्ब रुपैयाँ कर्जा प्रवाह भएको छ ।
साउनको पहिलो साता मौद्रिक नीति आउने भएकाले बैंकहरूले सोही समयको तथ्यांक हेरेर लगानी नीति बनाउने गरेका छन् ।
राष्ट्र बैंकले दिएको कर्जा विस्तारको सीमा, ब्याजदर, बैंक दर, कर्जा निक्षेप अनुपातसहितको तथ्यांकलाई विश्लेषण गरेर भदौदेखि मात्र कर्जा प्रवाहले गति लिने गरेको पोखरेलले बताए ।
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...