×

NMB BANK
NIC ASIA

रविको पत्रकार सम्मेलन

रवि र अनिल केशरीको दाबीमा गम्भीर प्रश्न: 'चेक भ्यालिड' नभई खातामा डेबिट/क्रेडिट हुन्छ ?

काठमाडाैं | माघ ८, २०८०

NTC
Sarbottam
Premier Steels
Marvel

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ ।

Sagarmatha Cement
Muktinath Bank

सहकारी ठगी प्रकरणमा प्रस्टीकरण दिन सोमबार पार्टी कार्यालयमा आयोजना गरिएको पत्रकार सम्मेलनमा लामिछाने र शाहले चेकमा पर्याप्त ब्यालेन्स नभए पनि खातामा रकम क्रेडिट तथा डेबिट भएको दाबी गरेका हुन् ।


Advertisment
RMC TANSEN
IME BANK INNEWS
shivam ISLAND

सबैभन्दा गम्भीर कुरा त पूर्व बैंकर शाहले बोलेका छन् । उनले भनेका छन्–​​


Advertisment
Nabil box
Kumari

बैंकिङ प्रणालीमा के छ भने मेरो खातामा कोही डिपोजिट गर्न आयो भने भौचर भर्नुपर्छ । क्यास हो भने एउटा अमाउन्टभन्दा माथि भए केही प्रश्न सोधिन्छ,चेक हो भने सोधिन्न । टेलरले चेक हेर्छअनिल साह भन्ने नाम हेर्छठीक छ भने अमाउन्टको नम्बर राख्छ । स्लिपमा स्ट्याम्प हान्छ अनि एक कपी(ग्राहकलाई)दिन्छ । यति गर्नेबित्तिकै मेरो खातामा अमाउन्ट भनेर आउँछ, तर अभाइलेबल ब्यालेन्स हुँदैन । त्यो अमाउन्ट ब्यालेन्समा क्रेडिट भनेर आउँछ । मैले निकाल्न पाउँदिनँ, मलाई थाहा पनि हुँदैन,तर कसैले डिपोजिट गरेको छ भन्ने रेकर्ड त हुनुपर्‍यो नि । त्यसपछि चेक सिस्टमबाट सम्बन्धित बैंकमा जान्छ । त्यहाँ सिग्नेचर मिलेको छ कि छैन,डेट मिलेको छ कि छैन, सबै मिलेको छ भने त्यो खातामा डेबिट गरेर मेरो खातामा क्रेडिट हुन्छ ।'

Vianet communication
Laxmi Bank

उनले थपे, 'एक करोड ८० लाखको चेक डिपोजिट नभएको भन्दैनौं, भएको छ। तर, घन्टी बजेन । सभापतिज्यूले पैसा पाउनुभएन ।'

तर, क्लियरिङसम्बन्धी डिपार्टमा समेत काम गरिसकेका राष्ट्र बैंकका एक कर्मचारी भने यतिको भरमा मात्र शाहले दाबी गरेजस्तो खातामा रकम क्रेडिट नहुने दाबी गर्छन् । चेकमा पैसा भएको र सबै विवरण मिलेको सिस्टमबाट पुष्टि भइसकेपछि शुरूमा चेकवालाको खातामा डेबिट भएर बल्ल डिपोजिटवाला ग्राहकको खातामा क्रेडिट हुने उनले बताए ।

पत्रकार सम्मेलनमा रविले पनि आफ्नो खातामा रकम जम्मा नभएको दाबी गरे ।

'खातामा आउँछ त, घण्टी बज्छ त, घण्टी बजाउनेले त्यति पनि थाहा पाउँदैन भन्नुभएको छ । घण्टी बजेकै छैन, बैंकले भनिसक्यो । जम्मा नभएको कुरा त मैले कसरी थाहा पाउँछु ?  बैंकमा चेक प्रिजेन्ट भयो । प्रिजेन्ट भएपछि बैंकमा अगाडि बस्नुहुन्छ, जसलाई टेलर भन्छौं हामी, उहाँले चेक जम्मा भएको रसिद त दिनुभयो । त्यो रसिद कम्पनी रजिस्ट्रारको कार्यालयमा पुग्यो । तर, पैसा आयो त ? छैन, गयो । (मेरो खातामा) एक करोड ८० लाख जम्मा नभएको म स्पष्ट पार्न चाहन्छु ।'​

डिपोजिट स्लिपसम्मको हकमा लामिछानेले गरेको दाबी स्वाभाविकै देखिए पनि बैंक स्टेटमेन्टमै रकम डेबिट र क्रेडिट भएको भन्ने विषय गम्भीर देखिन्छ ।

​पत्रकार सम्मेलनमा रवि लामिछाने'चेक क्लियरिङका लागि आयो भने टेलरमा डिपोजिटवालाको खाता विवरण चेक हुने हो, न कि चेकवालाको । डिपोजिट गर्ने मान्छेको विवरण ठीक छ भने चेक रिसिभ गरेर हामीले ग्राहकलाई स्लिप दिएर पठाउँछौं,' एक वाणिज्य बैंकमा क्लियरिङ शाखामै काम गर्ने एक कर्मचारीले लोकान्तरसँग भने, 'त्यसपछि जबसम्म सिस्टमबाट चेकवालाको खातामा पर्याप्त पैसा छ, सबै विवरण मिलेको छ भन्ने एप्रुभ हुँदैन तबसम्म डिपोजिटवालाको खातामा हिट नै हुन्न, स्टेटमेन्टमा देखिने त परको कुरा भयो । यदि चेक सबै ठीक छ भने चेकवालाको खाताबाट रकम डेबिट भएर बल्ल डिपोजिटवालाकोमा क्रेडिट हुन्छ । यतिबेला मात्र स्टेटमेन्टमा देखिने हो ।'

यसरी क्रेडिट भइसकेको रकम खातावालको स्वीकृतिविना डेबिट गर्नै नमिल्ने राष्ट्र बैंकका एक कर्मचारीले बताए ।

'एक रुपैयाँ मात्र डेबिट गर्न पनि खातावालाको लिखित स्वीकृति चाहिन्छ, करोड त ठूलो विषय भयो,' ती कर्मचारीले भने ।

नेपाल क्लियरिङ हाउस लिमिटेडका सीईओ नीलेशमान सिंह प्रधानले चेक क्लियरिङको प्रक्रिया नै लोकान्तरलाई बताए ।

'एक्स नामको बैंकको चेक वाई नामको बैंकको खातामा क्लियरिङका लागि आयो भने वाई बैंकले त्यस चेकलाई स्क्यान गरेर (एनसीएचएलको) सिस्टममा हाल्छ, फिजिकल चेक वाई बैंकमै बस्छ । चेकको बारेमा भएको डिटेल– खाता नम्बर, नाम, मिति भरेर सिस्टम हुँदै एक्स बैंकमा जान्छ । एक्स बैंकको पनि जुन डिपार्टलाई चेक भेरिफाइ गर्ने अथोरिटी हुन्छ, त्यसले चेकको इन्फर्मेसन मिले/नमिलेको हेर्छ । खातामा पैसा रहे/नरहेको तथा सही मिले नमिलेको पनि यकिन गर्छ । खातामा पैसा रहेछ भने एक्स बैंकका चेकवालाको खाताबाट पैसा डेबिट हुन्छ र यो कारोबार सफल हुन्छ भनेर वाई बैंकलाई सूचित गरिन्छ । चेकमा पैसा रहेन छ भने उतिखेरै फर्काइन्छ,' प्रधानले लोकान्तरसँग भने ।

उनको भनाइलाई हेर्ने हो भने पनि खातामा पर्याप्त पैसा भएको यकिन भएपछि मात्र डेबिट र क्रेडिटको प्रक्रियामा जान्छ र स्टेटमेन्टमा देखिन्छ ।

लामिछाने र शाहले भने चेकवालाको खातामा पर्याप्त पैसा नभई डेबिड/क्रेडिट भएको दाबी गरेका छन् ।

ग्यालेक्सी टीभीमा रविको नामबाट शेयर खरिदका लागि रकम जम्मा भएको र रविले टेलिभिजन छाडेपछि उनको खातामा शेयर बिक्रीको रकम जम्मा भएको विवरण सार्वजनिक भएपछि रविले सोमबार पत्रकार सम्मेलन गरेका हुन् ।

hAMROPATRO BELOW NEWS
TATA Below
कात्तिक २४, २०८०

मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...

पुस ५, २०८०

काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

कात्तिक १७, २०८०

विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...

फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x