पर्वतमा ५५ वर्षीया महिलालाई बलात्कार गरेको आरोपमा एक जना पक्राउ परेका छन् ।

पक्राउ पर्नेमा जलजला गाउँपालिका २ तमिला खर्कका २८ वर्षीय राजन कार्की रहेका छन् । उनलाई प्रहरीले शुक्रवार दिउँसो पक्राउ गरेको हो ।

कार्कीले ती महिलालाई साउन ३२ गते राति कुटपिट तथा जबरजस्ती करणी गरेको भन्ने उजुरीको आधारमा जिल्ला प्रहरी कार्यालय पर्वतबाट खटिएको प्रहरीले उनलाई पक्राउ गरेको हो ।

कुटपिटबाट घाइते भएकी महिलाको जिल्ला अस्पतालमा उपचार भइरहेको छ। 

थप अनुसन्धान भइरहेको प्रहरीले जनाएको छ ।