२५ जेठ २०८३, सोमबार
नेपाल टेलिकमले ‘नेपाल टेलिकम तीजको लहर टिकटक च्यालेन्ज’ सञ्चालन गरेको छ । टेलिकमको आधिकारिक टिकटक एकाउन्टमार्फत उक्त च्यालेन्जमा सहभागी हुन सकिने छ ।
टेलिकमको तीजको लहर गीतमा टिकटक बनाइ यसमा सहभागी हुन सकिने प्रवक्ता शोभन अधिकारीले जानकारी दिए । उक्त कार्यक्रम यही भदौ २४ देखि प्रारम्भ भएर असोज ७ सम्म चल्ने उनले बताए ।
विजेताहरूलाई नगद र अन्य पुरस्कारको व्यवस्था गरिएको छ । यस अनुसार सो च्यालेन्जमा पहिलो हुने विजेताले ४० हजार, दोस्रोले २० हजार र तेस्रोले १० हजार नगद पुरस्कार पाउने छन् ।
त्यसैगरी सान्त्वना पुरस्कारको रुपमा १० जना सहभागीलाई ५०० रुपैयाँको टप अप प्रदान गरिने छ ।
नेपाली महिलाहरूको महान चाड तीजलाई रमणीय बनाइ नेपाल टेलिकमसँग जोडिनसमेत प्रेरित गर्ने उद्देश्यले टिकटक च्यालेन्ज सञ्चालन गरिएको प्रवक्ता अधिकारीको भनाइ छ । यसबाट तीज पर्व थप मनोरञ्जक बन्ने अपेक्षा लिइएको कम्पनीले जनाएको छ ।
