इजरायलमा  सहायक  श्रमिक  केयरगिभरमा  काम  गर्न  गएकामध्ये  तीन  सय  नेपाली  श्रमिकको  भिसा  नवीकरणमा  ढिलाइ  भएको  जनाइएको  छ  ।  

इजरायलस्थित नेपाली दूतावासका अनुसार इजरायल र नेपालबिच सम्झौता (जिटुजी) मार्फत इजरायल गएका एक हजार एक सयमध्ये तीन सय नेपालीको भिसा नवीकरणमा ढिलाइ भएको हो । दूतावासका   अनुसार   भिसा   नवीकरण   समयमा  नभएपछि  दूतावासले  इजरायली  पक्षसँग  छलफल  अघि  बढाएको  छ  ।  
नेपाली  दूतावासका  अनुसार दूतावासले इजरायलमा सरकारी तवरबाट आएका नेपाली श्रमिकको भिसा नवीकरणका लागि इजरायलको पपुलेसन तथा इमिग्रेसन अथोरिटी (पिवा) सँग कूटनीतिक पहल गरिरहेको छ ।  विशेष गरी पछिल्लो समय सरकारी सम्झौता (जिटुुजी) इजरायल गएका नेपाली सहायक श्रमिकको भिसा  नवीकरणमा  देखिएको  समस्या  समाधानका  सम्बन्धमा  विस्तृत  छलफल  भएको  दूतावासले  जनाएको छ, गोरखापत्रमा खबर छ ।