३० जेठ २०८३, शनिबार
एमाले पार्टी कार्यालय च्यासलमा एमाले बागमती प्रदेशको नेतृत्वसहित कार्यसमिति चयनका लागि शुक्रबार भएको मतदानको मतगणना सुरु भएको छ । मतगणनाको सबै परिणाम २ घण्टाभित्र आइसक्ने निर्वाचन समितिले जनाएको छ।
‘नतिजा सबैको एकैपटक आउँछ । अब दुई घण्टा लाग्छ’, निर्वाचन अधिकृत डिल्ली मैनालीले भने । निर्वाचनमा कुल ११३१ मत खसेको उनले बताए ।
पार्टी कार्यालय च्यासलमा भएको मतदानमा ३२ जना भने अनुपस्थत रहेको उनले बताए । निर्वाचनबाट पाँच पदाधिकारीसहितका २४५ निर्वाचित हुनेछन् । बागमतीको अध्यक्षमा कृष्णप्रसाद दाहाल र कैलाश ढुंगेल प्रतिस्पर्धामा छन् ।
