०२ साउन २०८३, शनिबार
त्रिभुवन अन्तर्राष्ट्रिय विमानस्थलबाट झण्डै तीन किलोग्राम सुनसहित एक महिला पक्राउ परेकी छन् । पक्राउ पर्नेमा फिलिपिनी नागरिक रहेको प्रहरीले जनाएको छ ।
दुबई हुँदै काठमाडौं आएकी उनलाई सुनसहित शुक्रबार साँझ पक्राउ गरिएको त्रिभुवन अन्तर्राष्ट्रिय विमानस्थल प्रहरी प्रमुख डीआईजी अर्जुन चन्द ठकुरीले लोकान्तरलाई जानकारी दिए ।
उनका अनुसार बरामद सुन झण्डै तीन किलोग्राम छ । 'दुबईबाट काठमाडौं आउँदै गरेको फिलिपिना नागरिक सुनसहित समातिएकी छन् । समातिएको सुन झण्डै तीन किलोग्राम छ,' उनले भने ।
यसबारे थप अनुसन्धान भइरहेको उनले बताए ।
गत साउन २ गते विमानस्थल भन्सार पास भएर आएको करिब ६१ किलोग्राम सुन राजस्व अनुसन्धान विभागले समातेको थियो । त्यसपछि पनि विमानस्थलबाट सुन बरामद हुने क्रम रोकिएको छैन ।
