दोलखाको बिगु गाउँपालिकाबाट प्रहरीले ४ किलो सुन बरामद गरेको छ ।

गाउँपालिका–१, लामाबगरबाट सुन बरामद भएको जिल्ला प्रहरी कार्यालय दोलखाले जनाएको छ ।

जिल्ला प्रहरी कार्यालय दोलखाले दिएको जानकारी अनुसार बरामद भएको सुन जिल्ला प्रहरी कार्यालय चरिकोट ल्याउने काम भइरहेको छ । 

अन्य विवरण खुलन बाँकी रहेको प्रहरीले जनाएको छ ।

आइतवार दिउँसो ४ किलो सुन बरामद भएसँगै दोलखाबाट बरामद भएको सुनको मात्रा ११ किलो पुगेको छ । यसअघि प्रहरीले ७ किलो सुन बरामद गरेको थियो ।