नेपाल एयरलाइन्सको जहाज बिच बाटोबाटै फर्किएपछि नागरिक उड्ययन प्राधिरण (क्यान)ले सम्बन्धित अधिकारीलाई कारबाही गरेको छ । 
एयरलाइन्सको ड्युटी मेन्टेनेन्स मेनेजर र कन्टिन्युटिङ एयरअथोरिटी (सीए) मेनेजरलाई  क्यानले काममा प्रतिबन्ध लगाउने निर्णय गरेको हो । 

गए राति काठमाडौँबाट साउदी अरबको दमाम उडानको अवधिमा ट्राफिक कोलिसन एभोइडेन्स सिस्टम प्राविधिक समस्या देखिएपनि जहाज बिच बाटोबाटै फर्किएको थियो । 

फिर्ता भएको जहाजको मर्मतमा संलग्न अधिकारीलाई सो वायुयानमा पटक पटक प्राविधिक समस्या आएकाले अर्को निर्णय नहुन्जेलसम्मका लागि ड्युटी अफ गर्ने निर्णय गरिएको क्यानले जनाएको छ ।