२२ जेठ २०८३, शुक्रबार
कोशी प्रदेशको मुख्यमन्त्रीलाई लिएर पार्टीमा विवाद भएपछि नेपाली कांग्रेसका सभापति शेरबहादुर देउवाले कार्यसम्पादन समितिको बैठक बोलाएका छन् ।
शुक्रवार दिउँसो ३ बजेका लागि बैठक बोलाइएको सह–महामन्त्री बद्री पाण्डेले लोकान्तरलाई जानकारी दिए ।
माओवादी सांसद इन्द्र आङ्बोलाई मुख्यमन्त्री बनाउने गरी केन्द्रमा भएको सहमतिलाई चुनौती दिँदै डा. शेखर कोइराला पक्षका केदार कार्कीले मुख्यमन्त्रीका लागि दाबी पेश गरेपछि कांग्रेस विवाद उत्कर्षमा पुगेको छ ।
प्रदेश कार्य सम्पादन समितिको बैठकमा सहमति जुट्न नसकेपछि केन्द्रमा बैठक बस्न लागेको हो । एमाले सांसदको समर्थनमा कोइराला पक्षका सांसदले छुट्टै हस्ताक्षर गरेर मुख्यमन्त्री दाबी गरेका थिए ।
मुख्यमन्त्रीमा दाबी गर्ने समय शुक्रवार साँझ ५ बजेसम्म तोकिएको छ ।
