मलेसियाविरुद्ध पहिले बलिङ गर्दै नेपाल

आईसीसी टी–२० विश्वकप एसिया क्षेत्र छनोटको दोस्रो खेलमा घरेलु टोली नेपालले मलेसियाविरुद्ध पहिले फिल्डिङ गर्ने भएको छ । मंगलबार दिउँसो कीर्तिपुरस्थित त्रिवि क्रिकेट मैदानमा मलेसियाले टस जितेर ब्याटिङ रोजेर नेपाललाई बलिङको निम्तो दिएको हो । 

घरेलु टोली लगातार दोस्रो जितको खोजीमा मैदान उत्रँदैछ । नेपालले समूह चरणको पहिलो खेलमा सिंगापुरलाई ८ विकेटले हराएको थियो । 

नेपाल दोस्रो जितको खोजीमा हुँदा मलेसिया भने पहिलो जीत निकाल्ने योजनामा हुनेछ। मलेसिया पहिलो खेलमा ओमानसँग ३२ रनले पराजित भएको थियो।