०८ असार २०८३, सोमबार
इलाका प्रहरी कार्यालय मैनापोखर बर्दियाका प्रहरी नायब निरीक्षक (सई) ३० हजार रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोगको बुटवल सम्पर्क कार्यालय नेपालगन्जबाट खटिएको टोलीले उनलाई मंगलवार पक्राउ गरेको हो ।
पक्राउ पर्नेमा बढैयाताल गाउँपालिका वडा नम्बर ६ मैनापोखरस्थित मैनापोखरमा कार्यरत सई पवन साउद रहेका छन् ।
लागुऔषधको मुद्दा मिलाइदिने कार्यमा सहजीकरण गरिदिने भन्दै साउदले सेवाग्राहीसँग घुस मागेको सूचनाका आधारमा खटिएको आयोगको टोलीले उनलाई पक्राउ गरेको आयोगका प्रवक्ता भोला दाहालले जानकारी दिए ।
सई साउद सेवाग्राहीबाट लिएको ३० हजार रुपैयाँसहित पक्राउ परेका हुन् ।
थप अनुसन्धान भइरहेको आयोगले जनाएको छ ।
