०८ साउन २०८३, शुक्रबार
यति ब्रुअरी लिमिटेडले एनआईएमबी एस क्यापिटल लिमिटेडलाई धितोपत्र निष्कासन तथा बिक्री प्रबन्धकमा नियुक्त गरेको छ ।
बुक बिल्डिङ्ग विधिमार्फत साधारण शेयर निष्कासन गर्नका लागि एनआईएमबी (लाजिम्पाट, काठमाडौं) लाई धितोपत्र निष्कासन तथा बिक्री प्रबन्धकमा नियुक्त गरिएको कम्पनीले जनाएको छ ।
उक्त शेयर निष्काशनसम्बन्धी सम्झौतापत्रमा यति ब्रुअरी लिमिटेडका तर्फबाट प्रबन्ध सञ्चालक संजीव सर्राफ र एनआईएमबी एस क्यापिटल लिमिटेडका तर्फबाट महाप्रबन्धक सचिन्द्र ढुङ्गानाले हस्ताक्षर गरेका छन् ।
अटल कम्प्लेक्स उत्तरढोका, लाजिम्पाट, काठमाडौंमा रजिष्टर्ड कार्यालय रहेको यति ब्रुअरी लिमिटेडको ब्रुअरी फ्याक्ट्री खैरहनी नगरपालिका वडा नं. ४ चितवन जिल्लामा अवस्थित छ ।
यति ब्रुअरी लिमिटेडले हाल अर्ना, यति वाईबी, शिखर लगायत किंगफिसरजस्ता चर्चित ब्राण्डका बियर बोतल तथा क्यानमा उत्पादन गरी बिक्री वितरण गर्दै आएको छ ।
उक्त सम्झौताअन्तर्गत एनआईएमबी एस क्यापिटल लिमिटेडद्वारा बुक बिल्डिङ्ग विधिमार्फत यति ब्रुअरी लिमिटेडको साधारण शेयरहरू सार्वजनिक निष्कासन तथा व्यवस्थापनसम्बन्धी सम्पूर्ण कार्यहरूमा धितोपत्र निष्काशन तथा बिक्री प्रबन्धकको सेवा प्रदान गरिने कम्पनीले जनाएको छ ।
