दक्षिण अफ्रिकामा जारी यू–१९ क्रिकेट विश्वकपको सुपर सिक्समा भारतविरुद्ध २९८ रनको लक्ष्य पछ्याएको नेपाललाई पहिलो झट्का लागेको छ ।

ओपनिङ जोडीले ४८ रनको पार्टनरसीप गरेपछि ओपनर दीपक बोहारा १३.२ ओभरमा आउट भएका हुन् । 

उनले ४२ बलमा २२ रन बनाए । यस क्रममा उनले तीनवटा चौका प्रहार गरेका थिए ।

टस जितेर पहिले ब्याटिङ गरेको भारतले नेपाललाई २९८ रनको लक्ष्य दिएको छ । 

भारतले निर्धारित ५० ओभरमा ५ विकेटको क्षतिमा २९७ रन जोडेको हो । 

६२ रन हुँदा भारतले तीन विकेट गुमाएको थियो । तर चौथो विकेटका लागि उदय शहारन र सचिन धासले २०२ बलमा २१५ रनको महत्वपूर्ण शतकीय साझेदारी गरेपछि नेपालले विशाल लक्ष्य पाएको हो । 

भारतका लागि धासले ११६ र शरनले १०० रन बनाए । 

नेपालका लागि गुल्सन झाले तीन र आकाश चन्दले एक विकेट लिएका हुन् ।