×

NMB BANK
NIC ASIA

टी-ट्वान्टी विश्वकप छनोट

मूलपानीका भरिभराउ छत : जनही २ सय शुल्क, जोखिम मोलेर विश्वकप यात्रामा साक्षी

काठमाडाैं | कात्तिक १७, २०८०

NTC
Premier Steels

यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । 

Muktinath Bank

सामाजिक सञ्जालदेखि अन्तर्राष्ट्रिय स्तरसम्म चर्चाको विषय बनेको दृश्य हो, मूलपानीस्थित क्रिकेट मैदान आसपासका घरका भरिभराउ छत । शुक्रवार मैदान आसपासका १५/२० घरका छत दर्शकले भरिएका थिए ।


Advertisment
RMC TANSEN
IME BANK INNEWS
shivam ISLAND

कीर्तिपुरमा रूख चढेर खेल हेरेको दृश्य अधिकांश नेपालीलाई नयाँ लाग्न छाडिसकेका बेला मूलपानीमा घरको छत भरिएको दृश्यले धेरैको ध्यान तानेको छ ।


Advertisment
Nabil box
Kumari

समूह चरणको अन्तिम खेलमा ओमानसँग पराजित नेपालले कीर्तिपुर मैदानमा सेमिफाइनल खेल्न पाएन । उपविजेताका रूपमा नेपाल समूह ‘बी’को विजेता यूएईसँग प्रतिस्पर्धा गर्न मूलपानी मैदान पुग्यो ।

Vianet communication

ओमानसँगको हारसँगै नेपाल क्रिकेट संघ (क्यान)ले मूलपानी मैदानमा ३५ सयभन्दा धेरै दर्शक नअटाउने भनेर सूचना जारी गरेको थियो । घरमै बसेर क्रिकेट हेर्न क्यानको उर्दी थियो ।

बिक्री खुला गरेको सीमित टिकट क्षणभरमै ‘सोल्ड आउट’ भयो  । क्रिकेटप्रेमी हजारौं दर्शकलाई क्यानको सूचनाले के छेक्थ्यो र, टिकट नपाए पनि मैदानमा पुगेरै छाडे ।

दर्शकको चाप त अपेक्षित नै थियो, त्यसैले मूलपानीमा सुरक्षा व्यवस्था कडा पारिएको थियो ।

पासबाहक बाहेकलाई मैदान जाने बाटोमा सवारीमार्फत आवतजावत बन्द गरिएको थियो । पार्किङका लागि साँखुतर्फ जाने बाटोको किनारा छुट्याइएको थियो । 

मैदानवरपर बिहान ७ बजेदेखि नै भीड बढ्न थाल्यो । १० बज्दा भीड थामिनसक्नु भइसकेको थियो ।

अघिल्ला खेलमा जस्तो यस खेलमा दर्शकले पर्खालमा उक्लिएर तथा काँडेतार समातेर खेल हेर्न पाएनन् । प्रहरीले पर्खालमा चढ्नै दिएको थिएन । त्यसपछि धेरैले विकल्प निकाले आसपासका घरका छतमा उक्लिने ।

क्यानले घरमै बसेर हेर्नु भनेको दर्शकले इमान्दारीपूर्वक माने, घरको छतमा उक्लिएर ! यसरी छतमा उक्लिने क्रममा अधिकांशले घरधनीलाई पैसा बुझाएको पाइयो ।  

क्यामेरा सहकर्मी प्रकाश बुढाथोकी र म ‘मिडिया बक्स’बाट निस्किएर नजिकैको एक घरको छतमा पुग्दा खुट्टा राख्ने ठाउँ बाँकी थिएन ।

हामीलाई छतमा रहेका दर्शकको प्रतिक्रिया लिनु थियो । छतबाट मिडिया बक्सबाट भन्दा प्रस्ट खेल हेर्न सकिने रहेछ । मैदानको चारैतर्फ प्रस्ट देखिएको थियो ।

null

त्यहाँ रहेका दर्शक मैदानतर्फ नै हेरेर झुमिरहेका थिए । क्यामेरा लिएर हामी त्यहाँ पुगेपछि सबै दर्शक हामीतर्फ हेरेर खुशी साट्न थाले । त्यहाँको माहोल नै बेग्लै बन्यो । 

‘आज निकै उत्कृष्ट खेल हेर्न पाइयो,’ छतमा रहेका दर्शक ऋषिकेश बुढाथोकीले निकै खुशी हुँदै भने, ‘टिकट नपाएपनि घरको छतमा बसेर हेर्ने मौका जुर्‍यो ।’

उनी घरधनीलाई २ सय रुपैयाँ तिरेर खेल हेर्न छतमा पुगेका रहेछन् । 

‘पैसाको त के कुरा भयो र, हामीले त भीआईपी प्याराफिटमा बसेर हेरेकोभन्दा पनि बढी मज्जा लियौं,’ उनले थपे, ‘आज आशिफ शेखको खेल उत्कृष्ट लाग्यो ।’ 

उनले ‘डेथ ओभर’मा कुशल मल्ललाई बल दिने कप्तान रोहित पौडेलको निर्णयको पनि प्रशंसा गरे । ‘यसअघि हाम्रो डेथ ओभर बलिङ राम्रो थिएन । आज कुशल मल्ललाई अन्तिम ओभर दिने निर्णय ठीक लाग्यो,’ उनले भने । 

घरको छतमै रहेकी नमूना शर्मा पनि आजको खेलबाट निकै खुशी भेटिइन् । ‘म क्रिकेट खासै बुझ्दिनँ, तर पनि खेल हेर्दा रमाइलो भयो,’ उनले भनिन्, ‘नेपाल विश्वकपमा पुग्यो, त्यसैमा खुशी भएँ ।’

अर्का दर्शक भोजराज अधिकारीले पनि घरको छतमा बसेर खेल हेर्दा निकै आनन्दित महसुस गरेको बताए । तर, प्याराफिट भइदिएको भए हुन्थ्यो भन्ने उनलाई लागेको छ । 

‘यहाँ बसेर खेल हेर्न मज्जा त आयो, तर यसरी खेल हेर्नु हाम्रो बाध्यता हो । राम्रो प्याराफिट भएको भए हजारौं खर्च गरेर भए पनि क्रिकेट हेर्थ्यौै,’ उनले भने, ‘२ सय रुपैयाँ लिएर भए पनि घरको ढोका खोलिदिने घरबेटीलाई धन्यवाद !’

त्यस्तै हिमाल राई पनि बाटोमै बसेर घाँटी तन्काइतन्काई खेल हेर्नुभन्दा छतमा बसेर हेर्नु सजिलो भएको बताउँछन् ।

‘यहाँबाट केही मुन्तिर राखेपको प्याराफिटसहितको स्टेडियम बन्दै छ । त्यो बन्न थालेको वर्षौं भइसक्यो, तर अझै बनेको छैन । खै कहाँ छ दर्शक बस्ने ठाउँ ?’ उनी भन्छन्, ‘प्याराफिटसहितको रंगशालाका लागि हामी सबैले सरकारलाई दबाब दिनु जरुरी छ ।’

दर्शकसँग जनही २ सय रुपैयाँ लिएर छतमा चढाउने घरधनीसँग कुरा गर्न खोज्दा उनले प्रतिक्रिया दिन मानेनन् । आफ्नो परिचय दिन समेत उनले इन्कार गरे ।

सरकार र नेपाल क्रिकेट संघ क्यानको लाचारीका कारण दर्शकहरू जोखिम मोलेर खेल हेर्न बाध्य भएका हुन् । छतमा यसरी बस्दा दुर्घटनाको जोखिम समेत हुन्छ, तर सौभाग्य नै मान्नुपर्छ शुक्रवार त्यस्तो कुनै अप्रिय घटना भएको सूचना छैन ।

यसरी जोखिम मोलेर अर्काको घरको छतबाट क्रिकेट हेर्ने सबै दर्शकको एकै स्वर छ, ‘हामीलाई घरको छतबाट खेल हेर्ने रहर होइन, सुविधासम्पन्न क्रिकेट स्टेडियम आवश्यक छ ।’

तस्वीरहरू : नेपाल क्रिकेट संघ (क्यान)को फेसबूक पेज

hAMROPATRO BELOW NEWS
TATA Below
बैशाख २०, २०८१

नेपालले वेस्ट इन्डिज ‘ए’सँगको टी–२० क्रिकेट श्रृंखला एक खेलअगावै गुमाएको छ । पाँच खेलको श्रृंखलाअन्तर्गत चौथो खेलमा पराजित भएसँगै नेपालले अन्तिम खेल नखेली वेस्ट इन्डिजलाई नतिजा सुम्प...

बैशाख १८, २०८१

भारतमा जारी इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले दिल्ली क्यापिटल्समाथि जीत दर्ता गरेको छ ।  सोमबार राति घरेलु मैदान इडेन गार्डेनमा भएको खेलमा उत्कृष्ट फर्ममा रहेको कोलकाताले द...

कात्तिक १७, २०८०

कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...

बैशाख २४, २०८१

इन्डियन प्रिमियर लिग (आईपीएल)मा कोलकाता नाइट राइडर्सले लखनउ सुपर जायन्ट्सविरुद्ध शानदार जीत हासिल गरेको छ । आइतबार राति सम्पन्न खेलमा केकेआरले लखनउलाई ९८ रनले हराएको हो ।  जितसँगै केकेआर अंक तालिका...

मंसिर ३, २०८०

फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...

कात्तिक १८, २०८०

एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

प्रशासनिक सुधारको पाटो ५– कर्मचारीमा व्यावसायिकता विकास

प्रशासनिक सुधारको पाटो ५– कर्मचारीमा व्यावसायिकता विकास

बैशाख २७, २०८१

नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...

x