काठमाडौं, २१ असोज– नेकपा एमालेसँग चुनावी तालमेल हुँदै पार्टी एकतासम्म गर्ने निर्णयको विरोधमा माओवादी नेता गोपाल किराँतीले बैठक बहिष्कार गरेका छन् ।
एमाले र माओवादी केन्द्रबीच वाम एकता घोषणा भएसँगै किराँती असन्तुष्ट देखिएका छन् । उनले एमालेसँगको तालमेल र पार्टी एकताको निर्णय आत्मसमर्पणवादी भएको बताउँदै आएका छन् ।
माओवादी केन्द्रले वाम गठवन्धन, निर्वाचनको तयारी, उम्मेदवार चयन लगायतका विषयमा छलफल गर्न पोलिटव्यूरो बैठक बोलाएको छ ।
