०७ असार २०८३, आइतबार
बिहारका मुख्यमन्त्री नितिश कुमारले सोमबार विश्वासको मत लिने भएका छन् । विधानसभामा सोमबार फ्लोर टेस्ट हुनुअघि सबै दलहरूले आफ्ना विधायकहरूलाई एकताबद्ध बनाउने प्रयास गरिरहेका छन्।
अर्कोतर्फ पूर्व उपमुख्यमन्त्री तेजस्वी यादवको निवास बाहिर ठूलो संख्यामा प्रहरी परिचालन गरिएको छ । तर के कारणले यस्तो गरिएको हो भन्ने खुलेको छैन । उनको निवासमा आरजेडीका विधायकहरू छन् र उनी सोमबार कांग्रेसका विधायकहरूसँग सिधै सदन जानेछन्।
बैठक पछि, जेडीयू विधायक मोहम्मद जमान खानले पत्रकारहरूलाई भने, ‘हामीसँग आवश्यक संख्या छन्। हामी विश्वासको मत पाउनेछौं। हामी आजको बैठकमा नपुगेका विधायकहरूसँग निरन्तर सम्पर्कमा छौं। उनीहरू उपलब्ध हुनेछन्।’ यस बैठकमा पनि केही विधायक व्यक्तिगत कारणले अनुपस्थित रहेको बताइएको छ ।
यसअघि शनिबार जेडीयूले आफ्ना सबै विधायकहरूलाई क्याबिनेट मन्त्री श्रवण कुमारको ठाउँमा खाजाको लागि बोलाएको थियो।
