माओवादी केन्द्रले राष्ट्रिय सभा अध्यक्षको उम्मेदवार नारायण दाहाललाई बनाएको छ ।

बालुवाटारमा बसेको पदाधिकारी बैठकले दाहाललाई उम्मेदवार बनाउने निर्णय गरेको जानकारी बालुवाटार स्रोतले दियो । दाहाल प्रधानमन्त्री प्रचण्डका भाइ हुन् ।

उम्मेदवारमा ६ वर्ष कार्यकाल भएका झक्कुप्रसाद सुवेदीको चर्चा भए पनि ४ वर्ष कार्यकाल भएका दाहाललाई माओवादीले उम्मेदवार बनाएको हो ।

यता नेपाली कांग्रेसले भने राष्ट्रिय सभा अध्यक्षको उम्मेदवारमा युवराज शर्मालाई उठाउने निर्णय गरेको छ ।

फागुन २९ गते हुने राष्ट्रिय सभा अध्यक्ष निर्वाचनका लागि भोलि बिहान ११ देखि १ बजेसम्म उम्मेदवारी दर्ता गराउनुपर्ने छ ।