नेपाल लाइफ इन्स्योरेन्सले सञ्चालक समितिका सदस्य तथा विभागीय प्रमुखहरूलाई एएमएल तथा सीएफटीसम्बन्धी तालिम प्रदान गरेको छ । 

सम्पत्ति शुद्धीकरण तथा आतंकवादी क्रियाकलापमा वित्तीय संस्थाबाट हुनसक्ने समस्या तथा त्यसका समाधानहरूको बारेमा प्रशिक्षण कार्यक्रम सञ्चालन गरिएको कम्पनीले जनाएको छ ।

उक्त यही चैत ३ गते धुलिखेलस्थित सोल्टी वेस्टइन्ड रिसोर्टमा उक्त सञ्चालन गरिएको थियो ।

कार्यक्रममा पछिल्लो समय नेपालको पारस्परिक मूल्यांकन प्रतिवेदनले इन्स्योरेन्स क्षेत्रसँग सम्बन्धित उठान गरेका विषयहरू र अवलम्बन गर्नुपर्ने रणनीतिको बारेमा जानकारी गराइएको थियो ।

सम्पत्ति शुद्धीकरण ऐनले सञ्चालक समितिको काम कर्तव्य र अधिकारको बारेमा गरेको व्यवस्था प्रकाश पार्नुका साथसाथै त्यसलाई कार्यान्वयन गर्न कसरी अगाडि बढ्ने भन्ने विषयमा गम्भीरतापूर्वक छलफल गरिएको कम्पनीले जनाएको छ ।