३१ असार २०८३, बुधबार
वेस्ट इन्डिज ‘ए’विरुद्ध नेपालले आज टी-२० शृंखलाको चौथो खेल खेल्दै छ। कीर्तिपुरस्थित त्रिवि क्रिकेट मैदानमा हुने खेल दिउँसो सवा १२ बजेदेखि शुरू हुनेछ ।
पाँच खेलको सिरिजमा वेष्टइण्डिज ए २-१ ले अघि छ । सिरिज जित्ने सम्भावना कायमै राख्न नेपालले आज जित्नै पर्ने दबाब छ ।
यसअघि सम्पन्न तीनमध्ये दुई खेल वेस्ट इन्डिज ‘ए’ले जितेको थियो । पहिलो खेल भने नेपालले जितेको थियो ।
वेस्ट इन्डिज ‘ए’ले दोस्रो खेलमा घरेलु टिमलाई १० रनले र हिजो भएको तेस्रो खेलमा ७६ रनले पराजित गरेको थियो ।
पहिलो खेलमा भने नेपालले वेस्ट इन्डिज ‘ए’ विरुद्ध चार विकेटको जीत निकालेको थियो ।
दुई टिमबीचको पाँचौं तथा अन्तिम खेल शनिबार हुनेछ ।
