२८ असार २०८३, आइतबार
केलियन एमबाप्पेको बिदाइ खेलमा पेरिस सेन्ट जर्मेन (पीएसजी) फ्रेन्च लिग वानमा टुलुजसँग पराजित भएको छ । पार्क डेस प्रिन्सेसमा आइतबार राति सम्पन्न खेलमा लिग वान च्याम्पियन पीएसजी पाहुना टोलीसँग ३-१ गोल अन्तरले पराजित भएको हो । खेलको आठौँ मिनेटमा एमबाप्पेले गोल गर्दै पीएसजीलाई शुरूआती अग्रता दिलाएका थिए ।
तर, १३औँ मिनेटमा थिज डालिङ्गाले गोल गर्दै खेल बराबरीमा ल्याए । ६८औँ मिनेटमा यान गबोहो र दोस्रो हाफको इन्ज्युरी समयको पाँचौँ मिनेटमा फ्रान्क मगरीले गोल गर्दै टुजुललाई ३-१ को पुनरागमन जीत दिलाए ।
जितपछि पिएसजीले ३२ खेलबाट ७० अंक जोडेको छ । मोनाको ३३ खेलबाट ६४ अंकसहित दोस्रो स्थानमा छ । विजयी टोउलोउसे ४३ अंकसहित दशौं स्थानमा उक्लिएको छ । एम्बाप्पेले सिजनको अन्त्यसँगै क्लब छाड्ने घोषणा गरेका छन् ।
