२९ जेठ २०८३, शुक्रबार
काठमाडौंको कपनबाट पेस्तोलसहित १ जना पक्राउ परेका छन्।
पक्राउ पर्नेमा बूढानीलकण्ठ नगरपालिका वडा नम्बर ११ कपन पैयुटारस्थित डेरा गरी बस्ने सिन्धुपाल्चोकको हेलम्बु गाउँपालिका २ घर भएका २३ वर्षीय अर्जुन दर्नाल सुनार रहेका छन् ।
अवैध हातहतियार लुकाई छिपाई राखेको गोप्य सूचनाको आधारमा खटिएको प्रहरीले उनलाई पक्राउ गरेको हो ।
प्रहरीले उनको साथबाट १ थान कटुवा पेस्तोल १ र १ थान मोबाइल बरामद गरेको छ ।
थप अनुसन्धान भइरहेको प्रहरीले जनाएको छ ।
