सहकारी ठगीमा संसदीय छानबिन समिति गठनको माग गर्दै प्रमुख प्रतिपक्षी दल नेपाली कांग्रेसले प्रतिनिधि सभाको बैठक अवरुद्ध गरेको छ । सोमवार बसेको बैठकको शुरूमै कांग्रेस सांसदले उठेर विरोध जनाएका हुन् । 

त्यसपछि सभामुख देवराज घिमिरेले आज प्रधानमन्त्रीको विश्वासको मतको कार्यक्रम रहेको भन्दै बैठक चल्न दिन आग्रह गरेका थिए ।

सोमवारको बैठकमा प्रधानमन्त्री पुष्पकमल दाहाल प्रचण्डले विश्वासको मत लिने कार्यसची छ । कांग्रेसको नाराबाजीका कारण विश्वासको मत लिने कार्यसूची प्रभावित भएको छ ।