सिरहाको जिल्ला प्रहरी कार्यालयभित्रै महिला प्रहरी जवान करिष्मा सुनार मृत भेटिइएकी छिन् । 

उनी महिला तथा वालबालिका सेलभित्रको शौचालयमा बिहीवार अपरान्ह करिब ४ बजे झुण्डिएको अवस्थामा फेला परेको सिरहा प्रहरी प्रमुख प्रहरी उपरीक्षक रमेश पण्डितले बताए । 

उनका अनुसार बिहान ड्युटी सकेर उनी खाना खान कार्यालय छिरेकी थिइन् । निकैबेर नआएपछि खोजतलास गर्दा शौचालयको सावरमा झुण्डिएको अवस्थामा फेला परेको जानकारी पण्डितले दिए । 

उनले भने, ‘सुनारको परिवार नेपालगञ्जमा हुनुहुँदो रहेछ, उहाँहरू आएपछि मात्रै घटनास्थल देखाएर शवको मुचुल्का उठाउँछौं ।’