३१ असार २०८३, बुधबार
मुग्लिन-नारायणगढ सडकखण्ड एकतर्फी रूपमा सञ्चालन भएको छ ।
इच्छाकामना गाउँपालिका–६ जलवीरे भन्ने स्थानमा बुधबार दिउँसो पहिरो खस्दा सडक एकतर्फी रूपमा सञ्चालन भएको छ ।
पहिरोसँगै खसेको ठूलो ढुङ्गा पन्छाएर सडक खुलाउने प्रयास भइरहेको प्रहरीले जनाएको छ ।
जिल्ला प्रहरी कार्यालय चितवनमा सूचना अधिकारी प्रहरी नायब उपरीक्षक भेषराज रिजालका अनुसार सडक दुईतर्फी सञ्चालनका लागि करिब १ घण्टा लाग्ने अनुमान छ ।
पानी परिरहेकाले पहिरो पन्छाउन समस्या भएको उनको भनाइ छ ।
सडक एकतर्फी सञ्चालन हुँदा सवारीसाधनको लाइन बढेको छ ।
