१६ असार २०८३, मंगलबार
गुल्मीमा पहिरोले पुरिएकी एक महिलाको जीवितै उद्धार गरिएको छ ।
रुरुक्षेत्र गाउँपालिका ३ स्थित थोर्गाको ठाँटीमा पहिरोमा पुरिएकी उजेली विकलाई जीवितै उद्धार गरिएको हो ।
घर माथिबाट खसेको पहिरोले पुरिएकी रुरुक्षेत्र- ३ की विकलाई तत्कालै उद्धार गरिएको रुरुक्षेत्र गाउँपालिकाका अध्यक्ष यदु ज्ञवालीले जानकारी दिए ।
उनका अनुसार घाइते विकलाई उपचारका लागि प्राथमिक स्वास्थ्य केन्द्र रिडी पठाइएको छ ।
