२२ असार २०८३, सोमबार
मध्य नाइजेरियामा शुक्रबार एउटा विद्यालय भत्किँदा धेरै विद्यार्थीको मृत्यु भएको छ । भग्नावशेषमुनि अन्यले मद्दतका लागि कराएको सुनेको उद्धार एजेन्सी र प्रत्यक्षदर्शीहरूले बताएका छन् ।
पठार राज्यको जोस नर्थ जिल्लामा रहेको सेन्ट एकेडेमीमा परीक्षा दिइरहेका विद्यार्थीहरूमाथि भवन खसेपछि अभिभावकहरूले आफ्ना छोराछोरीहरू खोजिरहेको एएफपी संवाददाताले बताएका छन् ।
“पठारी राज्यको जोस उत्तर स्थानीय सरकार क्षेत्रको बुसा बुजीमा रहेको सेन्ट एकेडेमीको दुई तले भवन आज बिहान भत्किँदा धेरै विद्यार्थीको मृत्यु भएको छ”, राष्ट्रिय आपत्कालीन व्यवस्थापन एजेन्सीले एक विज्ञप्तिमा भनेको छ ।
नेमा र अन्य महत्त्वपूर्ण सरोकारवालाहरूले हाल खोज र उद्धार कार्य जारी राखेका छन् ।
