३० असार २०८३, मंगलबार
अमेरिकाको टेक्ससमा लुटेराहरूको एक समूहले नेपालीको हत्या गरेका छन् ।
टेक्ससको वेको सिटी नजिक हाइवे–३५ को मा अवस्थित ग्यास स्टेशनमा काम गर्ने ३० वर्षीय दीपक वलीको हत्या भएको खसोखासडटकमले जनाएको छ । उनी रुकुम बाफीकोटका भएको जनाइएको छ।
स्थानीय समयअनुसार आइतबार बिहान उनको गोली हानी हत्या भएको समाचारमा उल्लेख छ । हत्यामा तीन जना लुटेराको समूह संलग्न थियो ।
घटनाको बारेमा उनको परिवारलाई जानकारी गराइसकिएको अधिकारीहरूले बताएका छन् ।
गत वर्ष अमेरिकाको कोलोराडोमा आफ्नै स्टोरमा काम गर्दै आएका एक नेपालीको गोली हानी हत्या भएको थियो ।
