०३ साउन २०८३, आइतबार
प्रधानमन्त्री केपी शर्मा ओली र कांग्रेस सभापति शेरबहादुर देउवाबीच सत्ता गठबन्धनको बैठक बोलाउने समझदारी बनेको छ । यस्तै सरकारको काम कारबाहीलाई प्रभावकारी बनाउनेबारे पनि दुई नेताबीच छलफल भएको छ ।
आइतबार प्रधानमन्त्री निवास बालुवाटारमा भएको भेटवार्तामा सरकारको कामकारबाहीबारे सामान्य समीक्षासहित आगामी दिनमा थप प्रभावकारी बनाउने उपायबारे छलफल भएको प्रधानमन्त्री कार्यालय स्रोतले बताएको छ ।
बैठकमा सत्तारुढ दलले ल्याउने भनेको साझा न्युनतम कार्यक्रमबारे समेत कुराकानी भएको स्रोतको भनाइ छ ।
सो क्रममा ओली र देउवाबीच छिट्टै साझा कार्यक्रम ल्याउनेबारेमा सकारात्मक कुराकानी भएको एक एमाले नेताले बताए । यसबारे अब बस्ने सत्ता गठबन्धनको बैठकबाट थप गति दिइने ती नेताको भनाइ छ ।
बैठकमा दुई पक्षका दोस्रो तहका नेताहरू समेत सहभागी थिए । बैठकमा एमालेका तर्फबाट अर्थमन्त्री विष्णु पौडेल, महासचिव शङ्कर पोखरेल र कांग्रेसबाट गृहमन्त्री रमेश लेखक र परराष्ट्रमन्त्री आरजु देउवा राणालगायत सहभागी थिए ।
