२३ जेठ २०८३, शनिबार
सिप्रदी कम्पनीजको सामाजिक उत्तरदायी संस्था सिप्रदीयन सहायता संस्था तथा सिप्रदी अटोपार्टस् प्रालिले बाढीपीडित मेकानिक्सहरूलाई खाद्यान्न र दैनिक उपभोग्य सामग्री प्रदान गरेको छ ।
निरन्तरको वर्षाले काठमाडौं उपत्यकाको खोला किनारमा ज्याला मजदुरी गर्दै आइरहेका बाढी पीडित मेकानिक्सहरूलाई राहत प्रदान गरिएको कम्पनीले जनाएको छ ।
सिप्रदीयन सहायता संस्थाका प्रतिनिधि र सिप्रदी अटोपार्टस् प्रालिका प्रतिनिधिहरूको उपस्थितिमा २६ घरधुरीलाई सिरक, डसना र सिरानी १/१ थान, १ बोरा चामल, ३ किलो दाल, १ लिटर तेलका साथै अन्य खाद्य तथा घरायसी सामग्री वितरण गरिएको हो ।
सिप्रदियन सहायता संस्थाले विभिन्न प्रभावित क्षेत्रहरूमा अत्यावश्यक राहत सामग्री वितरण गर्दै आइरहेको छ ।
