गोरखा मिडिया नेटवर्कका अध्यक्ष गितेन्द्रबाबु राई (जीबी) राईसँगको मिलेमतोमा तीन करोडभन्दा बढी रकम आफ्नो खातामा हालेर अन्य सम्पत्ति जोडेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा ललितपुर महानगरपालिका–१५ खुमलटारकी लीला पछाई छिन् । 

जिल्ला प्रहरी कार्यालय कास्कीका प्रवक्ता डीएसपी वसन्तकुमार शर्माका अनुसार पछाईले सूर्यदर्शन बचत तथा ऋण सहकारी संस्थाको शेयर, बचत तथा जगेडालगायत विभिन्न कोषमा हुनुपर्ने रकम हिनामिना र अपचलन गरेको आरोप छ ।

गुल्मीको मुसिकोट स्थायी घर भएकी पछाईले सहकारी ऐन, नियमावली र संस्थाको विधानविपरीत रकम हिनामिना र अपचलन गरेको दाबी प्रहरीको छ ।​

डीएसपी शर्माका अनुसार पछाईलाई सहकारी ठगीमा थुनामै राखेर अनुसन्धान गर्न जिल्ला अदालत कास्कीबाट चार दिनको म्याद लिइएको छ ।