०३ साउन २०८३, आइतबार
विमानमा विस्फोटक पदार्थ नभेटिएपछि एयर इण्डियाको विमान भारतको नयाँ दिल्लीतर्फ उडेको छ।
सोमबार दिउँसो एयर इण्डियाको एआई–२१६ विमानमा बमको हल्लापछि विमानका सम्पूर्ण यात्रुलाई ओरालेर चेकजाँच गरिएको थियो ।
तर विमानमा कुनै विस्फोटक पदार्थ नभेटिएको त्रिभुवन अन्तर्राष्ट्रिय विमानस्थल सुरक्षा कार्यालयका एसएसपी डम्बर विकले लोकान्तरलाई जानकारी दिए ।
विमानमा विस्फोटक पदार्थ नभेटिएपछि एयर इण्डियाको उक्त विमान सोमबार साँझ भारतको नयाँ दिल्लीतर्फ उडेको विमानस्थल कार्यालयले जनाएको छ।
दिउँसो २ बजे काठमाडौं विमानस्थलमा अवतरण भएको एयर इण्डियाको विमानमा बम राखेको अज्ञात समूहबाट जानकारी आएपछि नेपाली सेना र नेपाल प्रहरीको विशेष टोलीले जाँच गरेका थिए ।
सो विमान काठमाडौंबाट एक यस ५८ यात्रु लिएर दिल्ली उड्ने तयारीमा थियो ।
यसअघि यही कात्तिक ६ गते भारतको विमान सेवा कम्पनी भिस्तारा एयरको विमानमा बम राखेको हल्ला फैलिएपछि त्रिभुवन अन्तर्राष्ट्रिय विमानस्थलमा नेपाली सेनाको विस्फोटक पदार्थ निष्क्रिय गर्ने विशेष टोलीले खानतलासी गरेको थियो ।
