०९ साउन २०८३, शनिबार
राष्ट्रिय स्वतन्त्र पार्टी (रास्वपा)का सभापति रवि लामिछानेले स्वेट शेयर बापत ७५ लाख रुपैयाँ गोरखा मिडिया नेटवर्कमा जम्मा भएको बयानमा स्वीकार गरेका छन् ।
'गोरखा मिडिया नेटवर्क प्रालिको नाममा ग्लोबल आईएमई बैंकमा रहेको खातामा २०७७ माघ ८ गते ७५ लाख जम्मा रकम गितेन्द्रबाबु राईबाट सम्झौता र समझदारी बमोजिम मेरो १५ प्रतिशत स्वेट इक्विटीको लागि लिइएको हो । उक्त रकम छोटो समयमा नै गोरखा मिडिया नेटवर्क प्रालिको बैंक खातामा जम्मा गरेको हुँ,' प्रहरी समक्ष उनले गरेको बयानमा उल्लेख छ ।
साथै उनले गोरखा मिडियामा १५ प्रतिशत शेयर रहेको पनि स्वीकारेका छन् ।
गोरखा मिडियामा आधिकारिक प्रबन्ध निर्देशकको जिम्मेवारी २०७७ पुस २५ को निर्णय बमोजिम पुस ३० गते नियुक्ति पत्र दिइएको उनले बयानमा खुलाएका छन् ।
