३१ असार २०८३, बुधबार
काठमाडौं, २९ कात्तिक — हिट कमेडी शो द कपिल शर्मा शो अहिले बन्द भइसकेको छ । तर कपिल शर्माले पहिलाजस्तै स्टारहरूलाई कुराउने बानी छोडेका छैनन् ।
केही दिनअघि उनले अक्षय कुमारलाई ६ घन्टा कुराए । आफ्नो फिल्म फिरंगीको प्रमोसनमा व्यस्त कपिल द ग्रेट इन्डियन लाफ्टर च्यालेन्जका लागि शूट गर्न पुगेका थिए । अक्षय उक्त शोका जज हुन् । तर कपिल सेटमा समयमा पुगेनन् र उनीविना नै शूटिङ गर्नुप–यो ।
सञ्चारमाध्यममा आएअनुसार, अक्षय कुमार कपिलसँगको स्पेसल एपिसोड बिहान छिट्टै शुरु गर्न चाहन्थे । तर कपिलको टीमले समय सारेर ११ बजे पु–यायो ।
लगभग साढे १० बजे सबैजना सेटमा पुगे । तर कपिल कतै देखापरेनन् । अझ उनको फोन पनि लागिरहेको थिएन ।
दिउँसो २ बजेसम्म पनि कपिलको टीमका सदस्यले उनी कहाँ छन् थाहा पाएनन् ।
लामो प्रतीक्षापछि अक्षयले कपिलविना नै शूटिङ गर्ने सल्लाह दिए । पछि पो बल्ल कपिलका टीमका एकजनाले कपिललाई सञ्चो नभएको र चिकित्सकले उनलाई आराम गर्ने सल्लाह दिएको बताए ।
त्यसपछि स्क्रिप्ट परिवर्तन गरियो र शोको शूटिङ भयो ।
एजेन्सी
