३१ असार २०८३, बुधबार
प्रधानमन्त्री एवं नेकपा एमालेका अध्यक्ष केपी शर्मा ओलीले नेपाली कांग्रेससँग २०८१ असार १७ गते भएको ७ बुँदे सहमतिलाई राजनीतिक प्रतिवेदनमा समावेश गरेका छन् ।
आइतबार शुरू केन्द्रीय समिति बैठकमा ओलीले पेश गरेको राजनीतिक प्रतिवेदनमा कांग्रेससँग भएको ७ बुँदे सहमतिलाई अनुसूचीमा समावेश गरिएको हो ।
‘नयाँ राजनीतिक कोर्स : आवश्यकता, औचित्य र अवसर’ शीर्षकको च्याप्टरमा कांग्रेससँग भएको ७ बुँदे सहमतिलाई समावेश गरिएको छ ।
२०८३ असारमा कांग्रेस सभापति देउवालाई सत्ता हस्तान्तरण गर्ने गरी भएको सहमति ओलीले यसअघि संसद्मै वाचन गरेका थिए ।
एमालेले राजनीतिक दस्तावेजमा समेत सो सहमतिलाई स्थान दिएर कांग्रेससँगको सहकार्यलाई थप मजबुत बनाउन खोजेको सन्देश दिएको छ ।
कांग्रेस एमालेको मुख्य प्रतिस्पर्धी मात्र नभई दुई दल लोकतान्त्रिक आन्दोलनको अगुवा र मुख्य ‘स्टेकहोल्डर’समेत रहेको ओलीले राजनीतिक प्रतिवेदनमा उल्लेख गरेका छन् ।
